وتكەن جىلدىڭ قاراشا ايىندا ەڭبەكشى اۋدانىندا قامىستى كوشەسىندەگى كارىز قۇبىرى جارىلعان بولاتىن. سالدارىنان احمەت مامەتوۆ كوشەسىندە ورنالاسقان 4 تۇرعىن ءۇيدىڭ اۋماعى مەن بالاباقشا اۋلاسى سۋ استىندا قالدى.
اپاتتان زەينەتكەر ليۋدميلا پانكراتوۆانىڭ ءۇيى ايتارلىقتاي زاقىمداندى.
قالا اكىمى عابيت سىزدىقبەكوۆ سۋ باسقان اۋماقتىڭ تۇرعىندارىمەن ارنايى كەزدەسىپ، ماسەلەمەن تانىسقان ەدى. وسى ورايدا «سۋ رەسۋرستارى-ماركەتينگ» جشس كومپانياسىنىڭ باسشىلىعى باسپانانى قايتا قالپىنا كەلتىرۋدى جاۋاپكەرشىلىگىنە الدى. سونىمەن قاتار، كومپانيا جالعا الۋ قۇنىن وتەپ، ءۇي تۇرعىندارىن ۋاقىتشا پاتەرگە كوشىردى.
بۇگىن قالا باسشىسى كەزەكتى ارالاۋ بارىسىندا ليۋدميلا پانكراتوۆاعا جاڭا ءۇيدىڭ كىلتىن تابىس ەتتى. سونداي-اق ناۋرىز مەرەكەسىمەن قۇتتىقتاپ، قارياعا زور دەنساۋلىق پەن اماندىق تىلەدى.
