ماڭعىستاۋ وبلىسىندا ەسىرتكى قىلمىسىنا قاتىسى بار دەگەن كۇدىكپەن مۇنايلى اۋدانى اكىمىنىڭ ورىنباسارى مەن اتامەكەن اۋىلى اكىمىنىڭ ورىنباسارى ۇستالدى. بۇل تۋرالى وبلىس اكىمدىگى ايتتى، دەپ حابارلايدى «ادىرنا» ءتىلشىسى.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە، ءۇش كۇدىكتى ۇستالعان.
«اتالعان دەرەك بويىنشا سوتقا دەيىنگى تەرگەۋ باستالدى. قازىرگى تاڭدا اۋدان اكىمىنىڭ ورىنباسارى ۋاقىتشا ۇستاۋ يزولياتورىنا قامالدى، ال وزگە كۇدىكتىلەرگە قاتىستى بۇلتارتپاۋ شاراسى قاراستىرىلىپ جاتىر. تاركىلەنگەن زاتتار ساراپتاماعا جىبەرىلىپ، ءتيىستى تەرگەۋ امالدارى جۇرگىزىلۋدە»،—دەلىنگەن حابارلامادا.
ارنايى وپەراتسيا ماڭعىستاۋ وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى جۇرگىزىپ جاتقان «قاراسورا-2025» جەدەل-پروفيلاكتيكالىق ءىس-شاراسى اياسىندا وتكەن.
