بيشىمباەۆ قاۋىپسىزدىگى بارىنشا جوعارى تۇرمەگە قامالادى. بۇل تۋرالى باس پروكۋراتۋرا مالىمدەدى، دەپ حابارلايدى “ادىرنا” ۇلتتىق پورتالى.
«بيشىمباەۆ قاۋىپسىزدىگى بارىنشا جوعارى تۇرمەگە قامالادى. بۇعان دەيىن دە ءىستى بولىپ، سوتتالعانى ەسكەرىلىپ، بيشىمباەۆتى 24 جىلعا بارىنشا قاۋىپسىزدىگى جوعارى (قاتاڭ رەجيمدەگi تۇزەۋ كولونياسى) تۇرمەگە قاماۋ تۋرالى شەشىم شىعارىلدى. بايجانوۆتىڭ بۇرىن سوتتىلىعى بولماعانى ەسكەرىلىپ، ول 4 جىلىن ورتاشا قاۋىپسىزدىكتەگى تۇرمەدە وتكىزەتىن بولدى،"- دەلىنگەن حابارلامادا.
ايتا كەتەيىك، بۇگىن ايەلىن قاتىگەزدىكپەن ءولتىردى دەپ ايىپتالعان ەكس-مينيستر قۋاندىق بيشىمباەۆتىڭ ءىسى بويىنشا سوت ۇكىمى شىقتى. بيشىمباەۆ 24 جىلعا، ەكىنشى ايىپتالۋشى بايجانوۆ 4 جىلعا سوتتالدى.
