ايەلىن ولتىرگەنى ءۇشىن 24 جىلعا سوتتالعان ەكس-مينيستر قۋاندىق بيشىمباەۆتىڭ اتا-اناسى ءجۋرناليستىڭ جالعان اقپارات تاراتۋىنا قاتىستى سوتتا جەڭىلىس تاپتى. استانا قالاسىنىڭ اكىمشىلىك ىستەر جونىندەگى مامانداندىرىلعان اۋدانارالىق سوتى بۇل ءىستى توقتاتۋ تۋرالى قاۋلى شىعاردى، دەپ حابارلايدى “ادىرنا” ۇلتتىق پورتالى.
بۇدان ءبىراز بۇرىن ۋ. بيشىمباەۆ پەن ا. نۇرلىبەكوۆا (قۋاندىق بيشىمباەۆتىڭ اتا-اناسى) جۋرناليست/بلوگەر يتقۇلوۆ سىرىمدى جالعان اقپارات تاراتقانى ءۇشىن اكىمشىلىك جاۋاپكەرشىلىككە تارتۋ تۋرالى پوليتسياعا ارىزدانعان.
جۋرناليست انتيكور قىزمەتكەرلەرى بيشىمباەۆتىڭ قىلمىستىق ءىسى بويىنشا “ماسەلەنى وڭ شەشۋ” ءۇشىن 100 ميلليون تەڭگە سوماسىندا اقشالاي قاراجات بەرۋ كەزىندە استانا تۇرعىنىن(ايەل ادام) تۇتقىندادى دەگەن اقپارات تاراتقان.
«ءجۋرناليستىڭ جازباسىنا فيلولوگ مامان قورىتىندى جاسادى، سونىڭ نەگىزىندە ءوتىنىش بەرۋشىلەردىڭ دالەلدەرى راستالمادى. ايتا كەتۋ كەرەك، يتقۇلوۆ مەملەكەتتىك ورگاندار تاراتقان اقپاراتتى جاريالادى»، - دەيدى ادۆوكات دامير يشمامبەتوۆ.
