قىزىلوردا وبلىسىندا جۇك پويىزى 11 قويدى قاعىپ كەتكەن، دەپ حابارلايدى "ادىرنا" ۇلتتىق پورتالى.
وقيعا قىزىلوردا وبلىسىنىڭ جاڭاقورعان اۋدانىنداعى № 26 رازەزد اۋماعىندا بولعانى انىقتالدى.
«وقيعا بارىسىندا 11 باس قوي پوەزدىڭ استىنا تۇسكەن. جوسپارلانباعان پويىز تۇراعى 10 مينۋتتى قۇرادى. تەكسەرۋ بارىسىندا قىزىلوردا ستانتسياسىنداعى جەلىلىك پوليتسيا ءبولىمىنىڭ قىزمەتكەرلەرى قويلاردىڭ يەسى 32 جاستاعى ازاماتتى انىقتادى. ەر ادام تەمىرجولعا بولىنگەن جولاقتا مال جايۋ ەرەجەسىن بۇزعانى ءۇشىن اكىمشىلىك جاۋاپكەرشىلىككە تارتىلدى»، - دەپ ءمالىم ەتتى قىزىلوردا ستانتسياسىنداعى جەلىلىك پوليتسيا بولىمىنەن.
