رەسەي مەن پاكىستان ەكى ەل اراسىندا العاشقى تىكەلەي جۇك تەمىرجول باعىتىن ىسكە قوسۋ جوباسىن پىسىقتاپ جاتىر، دەپ حابارلايدى "ادىرنا" ۇلتتىق پورتالى يزۆەستيا باسىلىمىنا سىلتەپ.
جوسپار بويىنشا پويىزدار ماسكەۋ – فەيسالاباد جانە ماسكەۋ – كاراچي باعىتتارىندا ەكى تاراپقا دا قاتىنايدى. بۇل تۋرالى رەسەيدىڭ پاكىستانداعى ەلشىسى البەرت حورەۆ حابارلادى.
ديپلوماتتىڭ ايتۋىنشا، جوباعا بەلارۋس تاراپىن دا قوسۋ مۇمكىندىگى قاراستىرىلىپ جاتىر.
ء«بىز پاكىستاندىق ارىپتەستەرىمىزبەن ەلدەرىمىز اراسىندا العاشقى جۇك تەمىرجول باعىتىن ۇيىمداستىرۋ جوباسى بويىنشا جۇمىس جۇرگىزىپ جاتىرمىز. پويىزدار ماسكەۋ – فەيسالاباد جانە ماسكەۋ – كاراچي باعىتتارىندا ەكى جاققا دا قاتىناۋى جوسپارلانۋدا. جوباعا بەلارۋس تاراپىن قوسۋ مۇمكىندىگى دە قاراستىرىلىپ جاتىر»، – دەدى البەرت حورەۆ.
ەلشىنىڭ مالىمەتىنشە، وڭىردەگى گەوساياسي جاعدايدىڭ 2025 جىلى جانە 2026 جىلدىڭ باسىندا شيەلەنىسۋىنە بايلانىستى جوبانى جۇزەگە اسىرۋ بىرنەشە رەت كەيىنگە شەگەرىلگەن.
قازىر تاراپتار تاسىمالداۋ قىزمەتتەرىن كورسەتۋ تۋرالى كەلىسىمشارتتى اياقتاۋ جانە جوسپارلانعان مارشرۋت بويىنشا جۇك تاسىمالداۋعا مۇددەلى كومپانيالاردى ىرىكتەۋ كەزەڭىندە.
جاڭا تەمىرجول باعىتى ىسكە قوسىلعان جاعدايدا رەسەي مەن پاكىستان اراسىنداعى جۇك تاسىمالىنىڭ تىكەلەي ارناسى قالىپتاسىپ، ەكى ەلدىڭ ساۋدا-ەكونوميكالىق بايلانىسىن دامىتۋعا مۇمكىندىك بەرمەك.
