قۋانىپ قالدىم. ەلدىڭ ءيميدجى وسىلاي جاسالسا كەرەك. قازاقتىڭ ۇلى اقىنىنىڭ ولەڭدەرىن بۇگىن رەسەيلىك تانىمال پروديۋسەر، مۋزىكانت جانە كومپوزيتور يگور كرۋتوي وقىپ، ەلىمىزدىڭ اتىنا جاقسى لەبىز ءبىلدىرىپ جاتسا، ەرتەڭ ول ءۇردىستى ديماشتىڭ قىتايداعى، فرانتسياداعى، تاعى باسقا ەلدەردەگى جانكۇيەرلەرى جالعاستىرۋى بەك مۇمكىن. بۇل تەك ديماشقا قاتىستى بولماسا كەرەك. ءبىزدىڭ اتى الەمگە ءماشھۇر سپورتشىلارىمىز، ونەرپازدارىمىز، عالىمدارىمىز بەن جازۋشىلارىمىز بار. ولار دا پرەزيدەنت قاسىم-جومارت توقاەۆ باستاپ، مادەنيەت ءمينيسترى اقتوتى رايىمقۇلوۆا مەن ديماش ءىلىپ اكەتكەن ەستافەتانى جالعاستىرسا، ادەتتەگىدەي ەن دالاعا 300 كيىز ءۇي تىكتىرىپ، ەت جەپ، سورپا ءىشىپ، ات شاپتىرىپ داڭعازالاپ عانا وتكىزەتىن تويلاردان گورى ابايدىڭ 175 جىلدىعى وزىنە لايىقتى سالماققا يە بولارى انىق.
ادىلبەك قابا
"ادىرنا" ۇلتتىق پورتالى
