گەرمانيانىڭ حاناۋ قالاسىندا بولعان اتىستان ونداعان ادام كوز جۇمدى

2964
Adyrna.kz Telegram

گەرمانيا پوليتسياسى فرانكفۋرتقا جاقىن حاناۋ قالاسىندا بولعان اتىستان كەمىندە سەگىز ادام قازا بولعانىن، كۇشتىك قۇرىلىمداردىڭ كولىكپەن قاشقان قارۋلى كۇدىكتىلەردى ىزدەپ جاتقانىن حابارلادى، دەپ جازادى centralasian.org.

19 اقپاندا تۇندە بولعان اتىسقا ناقتى نە سەبەپ بولعانى ايتىلمايدى. ارنايى جاساق وكىلدەرى حاناۋ ورتالىعىنداعى ەكى كوشەنى قورشاعان.

جەرگىلىكتى اقپارات قۇرالدارىنىڭ جازۋىنشا، شابۋىلداۋشىلار اۋەلى قالاداعى ەكى قورقور بارعا (كاليان بار) وق اتقان. كەيىنىرەك ورتالىق الاڭداردىڭ بىرىندە جۇرگەن ادامدارعا شابۋىل جاساعان. پوليتسيا قىزمەتكەرلەرى مەن تىكۇشاقتار ەكى اۋماقتى دا كۇزەتىپ ءجۇر.

پوليتسيانىڭ 20 اقپاندا تۇندە تاراتقان مالىمدەمەسىندە وقيعانىڭ شامامەن تۇنگى ساعات 22.00-دە بولعانى، سەگىز ادامنىڭ قازا بولعانى ايتىلادى. ودان سوڭ تاعى ەكى كىسىنىڭ ءمايىتى تابىلعانى ءمالىم بولدى.

پىكىرلەر