لوندوندا مۇستافا شوقايدىڭ اعىلشىن تىلىنە اۋدارىلعان «كەڭەس وداعىنىڭ تۇرىك الەمى ساياساتى» اتتى كىتابىنىڭ تۇساۋكەسەر جيىنى ءوتتى، دەپ حابارلايدى "ادىرنا" ءتىلشىسى.
بۇل تۋرالى شوقايتانۋشى ابدىۋاقاپ قارا Facebook جەلىسىندەگى پاراقشاسىندا جازدى.
پروفەسسور ابدىۋاقاپ قارانىڭ قۇراستىرۋىمەن مۇستافا شوقايدىڭ 41 ماقالاسى تولىق ءبىر كىتاپقا توپتاستىرىلىپ، قۇندى ەڭبەك ءتورت تىلدە جارىق كورگەن بولاتىن. كىتاپتىڭ العاشقى تۇساۋكەسەرى تۇركيا ەلىنىڭ انكارا قالاسىندا ءوتىپ، كەيىننەن قازاقستانعا جەتكەن.
بۇگىندە اتالعان كىتاپتىڭ اعىلشىن تىلىندەگى نۇسقاسىنىڭ تۇساۋكەسەرى لوندوندا ءوتتى.
"مۇستافا شوقاي قايتىس بولعاننان كەيىن 83 جىل وتكەن سوڭ لوندوندا العاش رەت ەسكە الىندى. مۇستافا شوقايدى تۇركىستانعا جانە تۇرىك الەمىنە سىڭىرگەن ەڭبەگى ءۇشىن مەيىرىممەن، العىسپەن ەسكە الامىن. جانى جانناتتا بولسىن", - دەپ جازدى ول.
ەسكە سالا كەتەيىك، الماتىدا تۇركيالىق شوقايتانۋشى عالىم ابدىۋاقاپ قارانىڭ «كەڭەس وداعىنىڭ تۇركى الەمى ساياساتى» اتتى كىتابىنىڭ تۇساۋكەسەرى وتكەن بولاتىن.
