Ryanair اۋەكومپانياسىنىڭ اگاديردەن لوندونعا شىققان رەيسى اۋەگە كوتەرىلگەن. الايدا ول 36 مينۋتتان سوڭ قايتا قونۋعا ءماجبۇر بولدى، دەپ حابارلايدى "ادىرنا" ۇلتتىق پورتالى Press باسىلىمىنا سىلتەمە جاساپ.
اگاديردەن ۇشقان ۇشاق مارراكەشكە قوندى. سەبەبى ۇشاق بورتىنداعى جولاۋشىلار ورىنعا تالاسىپ، جاپپاي توبەلەس ۇيىمداستىرعان.
كۋاگەرلەر وقيعانىڭ قالاي وربىگەنىن ايتىپ بەردى. ەر ادام قىزىنىڭ قاسىندا وتىرعان جولاۋشىدان ورىن اۋىستىرۋدى وتىنگەن. الايدا ايەل ادام ءوز وتباسىنا جاقىن وتىرۋى ءۇشىن ورنىن بوساتۋدان باس تارتقان. الايدا ەر ادام ايەلدى قورقىتا باستاپتى. اراعا ايەل ادامنىڭ كۇيەۋى ارالاسىپ، ارتىنشا جانجال سوڭى توبەلەسكە ۇلاسقان.
"بۇل توزاقتان شىققان رەيستەي بولدى. ولار ءبىر-ءبىرىن ۇرۋعا تىرىستى. وتباسىنىڭ ءبىرى باسقا دا ادامدارمەن ءبىر توپتا ۇشىپ بارا جاتىر ەكەن، سوندىقتان وعان باسقا جولاۋشىلار دا قوسىلدى", - دەيدى كۋاگەرلەر.
باسقا جولاۋشىلار دا ايەلدى جاقتاعان. ءسويتىپ، توعىز ادامنىڭ اراسىندا توبەلەس شىعىپ، ونى جولاۋشىلار دا، ستيۋاردەسسالار دا توقتاتا الماعان.
وقيعاعا بايلانىستى رەيس كەشىگىپ، 200 جولاۋشى ءبىر تۇنگە اۋەجايدا تۇنەگەن.
