قازاقستاندىق بوكسشى ۆاسيلي لەۆيت قولداۋ بىلدىرگەن قازاقستاندىقتارعا العىس ايتتى، دەپ حابارلايدى "ادىرنا" ۇلتتىق پورتالى Tengrinews.kz سايتىنا سىلتەمە جاساپ.
لەۆيت Instagram جەلىسىندەگى پاراقشاسىندا قازاقستاندىقتارعا ۇندەۋ جاسادى.
"مەن ءۇشىن وسىنداي قيىن ساتتە قولداۋ مەن جىلى سوزدەر ءۇشىن بارلىق وقىرمانىم مەن جانكۇيەرىمە العىس ايتقىم كەلەدى! جەڭىستى كۇندەردە دە، جەڭىلگەن ساتتە دە بىرگە بولدىڭىزدار! سپورت - مەنىڭ ءومىرىم. بوكسشىلاردا مىناداي ءبىر دانالىق بار: سۇرىنبەيتىن تۇياق بولمايدى.
بۇل دانالىق ءسوز ءوز ماقساتىنا ۇمتىلعان كەز كەلگەن ادامنىڭ ومىرىندە قولدانىلادى. ءبىر سوققىنى ۇستاپ تۇرۋ وتە قيىن، بىراق وسىنداي قولداۋدى سەزىنگەن كەزدە بۇل ومىردە جالعىز ەمەس ەكەنىڭدى تۇسىنەسىڭ!", - دەپ جازدى لەۆيت.
"ادىرنا" ۇلتتىق پورتالى
