Poliseiler Almatyda ädepsız sözder aityp, qoǧamdyq oryndardy lastaǧan futbol janküierlerın jauapqa tartty, - dep habarlaidy “Adyrna” ūlttyq portaly Polisia.kz saityna sılteme jasap.
«Almaty qalasynda balaǧat sözder aityp, qoǧamdyq oryndy lastaǧan futbol janküierlerı jauapkerşılıkke tartyldy. Qūqyq būzuşylarǧa qatysty ūsaq būzaqylyq, sporttyq ıs-şaralarda özın ūstau erejelerın būzǧany, qoǧamdyq orynda alkogoldık ışımdıkter ışkenı üşın äkımşılık şara qabyldandy.», - dedı vedomstvo basşysy, IIM resmi ökılı Şyŋǧys Älekeşev.
Älekeşev mūndai äreket tek futbol janküierlerı üşın ǧana emes, bükıl eldıŋ imidjıne nūqsan keltıretının atap öttı.
«Mūndai äreketter futbol janküierlerınıŋ atyna ǧana emes, bükıl eldıŋ abyroiyna nūqsan keltıredı. Öz komandalaryŋyzǧa qoldau körsetu dūrys, bıraq bärı zaŋ aiasynda boluy tiıs. Qarsylastar men basqa azamattardy balaǧattap qorlauǧa jol berılmeu kerek», - dedı qūqyq qorǧau organynyŋ ökılı.
Sondai-aq basqarma basşysy «zaŋ barşaǧa bırdei» degen qaǧidany saqtau kerektıgın eske saldy:
«Qūrmettı azamattar! IIM elımızde "Zaŋ men Tärtıp" qaǧidatyn qamtamasyz etudı jalǧastyrady. Zaŋ bärıne ortaq. Qoǧamdyq tärtıptıŋ būzyluyna äkeletın kez kelgen äreket üşın jauapkerşılık közdeledı», - dedı departament bastyǧy - IIM resmi ökılı Şyŋǧys Alekeşev.
Eske sala ketsek, osydan bır apta būryn 20 säuır künı Almaty qalasyndaǧy, Ortalyq stadionda “Aqtöbe” futbol kluby men “Qairat” futbol qūramasynyŋ arasynda joldastyq kezdesu ötken bolatyn. Match 3:1 esebımen qonaqtardyŋ paidasyna aiaqtaldy. Oiyn bastalmas būryn janküierler Almaty köşelerın şulatyp, şeru ūiymdastyryp, janküierlık dabyl qaǧyp, onyŋ arasynda bır-bırın boqtyq sözdermen balaǧattap eldıŋ nazaryna ılıkken bolatyn.
Posmotret etu publikasiiu v Instagram
Ūqsas jaŋalyqtar
