نيۋ-يوركتە جىلدىڭ سوڭعى "ۇلكەن دۋلىعا" ءتۋرنيرى – اقش اشىق چەمپيوناتى باستالدى. الەمدىك رەيتينگىدە 10-ورىندا تۇرعان ەلەنا رىباكينا ءبىرىنشى اينالىمدا ITF Juniors رەيتينگىندە 18 جاسقا دەيىنگى ويىنشىلار اراسىندا ءبىرىنشى ورىن الاتىن امەريكالىق دجۋلەتتا پارەحانى سەنىمدى تۇردە جەڭدى، دەپ حابارلايدى “ادىرنا”.
Wild card العان پارەحا قازاقستاندىق سپورتشىعا 6:3, 6:0 ەسەبىمەن ەسە جىبەردى. ەكىنشى اينالىمدا رىباكينا چەحيا وكىلى تەرەزا ۆالەنتوۆامەن (96 WTA) كەزدەسەدى.
قازاقستاندىق تاعى ءبىر تەننيسشى يۋليا پۋتينتسەۆا (55 WTA) العاشقى اينالىمدا يتاليا ويىنشىسى ەليزابەتتا كوچچارەتتودان (85 WTA) 6:4, 7:6 (7:4) ەسەبىمەن باسىم ءتۇستى.
كەلەسى كەزەڭدە پۋتينتسەۆا اننا كالينسكايا (29 WTA) مەن ءتۋرنيردىڭ wild card يەگەرى كلەرۆي نگۋنۋ اراسىنداعى كەزدەسۋدىڭ جەڭىمپازىمەن وينايدى.
