اتىراۋ وبلىسىندا جايىقتاعى سۋ دەڭگەيى كوتەرىلۋدە، دەپ حابارلايدى “ادىرنا” ۇلتتىق پورتالى وبلىستىق توتەنشە جاعدايلار جونىندەگى شتاب مالىمەتىنە سىلتەپ.
«قازگيدرومەت» رمك-نىڭ 2024 جىلعى 27 ءساۋىر، ساعات 8.00-دەگى جاعدايىنا سايكەس اتىراۋ وبلىسى اۋماعىنان كەلەتىن اعىنعا بايلانىستى باتىس قازاقستان وبلىسى، جايىق وزەنىندەگى سۋ دەڭگەيى وزگەردى»، - دەلىنگەن سەنبىدە تاراعان حابارلامادا.
اقپاراتقا سايكەس:
• جايىق وزەنى – يندەربور اۋىلىنىڭ ولشەۋ ستانساسىندا دەڭگەي 626 سم، دەڭگەي كوتەرىلۋى +13 سم، تاسقىن باسىنان بەرى جالپى كوتەرىلۋ 403 سم;
• جايىق وزەنى – ماحامبەت كەنتىندەگى ولشەۋ ستانساسىندا دەڭگەي 735 سم شاماسىندا، سۋ دەڭگەيىنىڭ كوتەرىلۋى تاۋلىگىنە +7 سم، تاسقىن باسىنان بەرى جالپى كوتەرىلۋى 418 سم;
• اتىراۋ قالاسى جايىق وزەنىنىڭ ولشەۋ ستانساسىندا دەڭگەي 431 سم، سۋ دەڭگەيىنىڭ ءبىر تاۋلىكتە كوتەرىلۋى +3 سم، تاسقىن باسىنان بەرى جالپى كوتەرىلۋ 240 سم.
سۋ دەڭگەيى ودان ءارى كوتەرىلەدى دەپ كۇتىلۋدە.
«27 ساۋىردەگى جاعداي بويىنشا يريكلينسك سۋ قويماسىنان سەكۋندىنا 192 تەكشە مەتر سۋ توگىلدى»، - دەلىنگەن حابارلامادا.
