باتىس قازاقستان وبلىسىندا ءۇش مەكتەپ تۇلەگى سۋعا باتىپ كەتتى، دەپ حابارلايدى «ادىرنا» ءتىلشىسى «موي گورودقا» سىلتەمە جاساپ.
قايعىلى وقيعا 9 ماۋسىم كۇنى كەشكە جاڭاقازان اۋىلى ماڭىنداعى كىشى وزەن وزەنىندە بولعان.
«112 قىزمەتىنە پوليتسيادان حابارلاما كەلىپ ءتۇستى. وندا 2008–2009 جىلى تۋعان ءۇش ءجاسوسپىرىمنىڭ دەمالۋعا ارنالماعان جانە شومىلۋعا جابدىقتالماعان جەردە سۋعا ءتۇسۋ كەزىندە باتىپ كەتكەنى ايتىلعان. اتالعان اۋماقتا تىيىم سالاتىن بەلگى ورناتىلعان»،–دەپ ءتۇسىندىردى بقو توتەنشە جاعدايلار دەپارتامەنتى.
وقيعا ورنىنا بقو تجد قىزمەتكەرلەرى جىبەرىلگەنىمەن، ولار جەتكەنگە دەيىن جاسوسپىرىمدەردىڭ دەنەلەرىن جەرگىلىكتى تۇرعىندار سۋدان شىعارىپ العان.
قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
كوز جۇمعانداردىڭ بارلىعى بيىل عانا مەكتەپ بىتىرگەن تۇلەكتەر ەكەنى انىقتالدى.
