مەملەكەت باسشىسى قاسىم-جومارت توقاەۆ قازاقستان حالقى اسسامبلەياسىنىڭ (قحا) باسشىلىعىندا كادرلىق وزگەرىستەر جۇرگىزدى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەپ.
«مەملەكەت باسشىسىنىڭ وكىمدەرىمەن اكبارجون ياحياحوجاەۆيچ يسمايلوۆ جانە اۋريكا گەورگيەۆنا دياك قازاقستان حالقى اسسامبلەياسى توراعاسىنىڭ ورىنباسارى قىزمەتىنەن بوساتىلدى»، - دەلىنگەن سارسەنبىدە تاراعان حابارلامادا.
يسمايلوۆ پەن دياك 2023 جىلدىڭ ساۋىرىنەن بەرى قحا توراعاسىنىڭ ورىنباسارلارى بولدى.
«مەملەكەت باسشىسىنىڭ وكىمدەرىمەن لۋگمار حاركيەۆيچ بۋلاروۆ پەن يۋري گەرمانوۆيچ شين قازاقستان حالقى اسسامبلەياسى توراعاسىنىڭ ورىنباسارلارى بولىپ تاعايىندالدى»، - دەپ تولىقتىردى اقوردا.
بۋلاروۆ جامبىل وبلىستىق ءماسليحاتىنىڭ دەپۋتاتى، شين قازاقستان كورەيلەرى قاۋىمداستىعىن باسقارادى.
ۇقساس جاڭالىقتار
