پرەزيدەنت قاسىم-جومارت توقاەۆ قازاقستاننىڭ بىرقاتار ەلدەردەگى توتەنشە جانە وكىلەتتى ەلشىلەرىن تاعايىندادى. بۇل تۋرالى اقوردا جازدى، دەپ حابارلايدى “ادىرنا”.
مەملەكەت باسشىسىنىڭ جارلىقتارىمەن:
- ەرالى لۇقپانۇلى توعجانوۆ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى;
- الىبەك اسەتۇلى باقاەۆ قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى;
- امانگەلدى عازەزۇلى ساينوۆ قازاقستان رەسپۋبليكاسىنىڭ رۋمىنياداعى توتەنشە جانە وكىلەتتى ەلشىسى لاۋازىمىنا تاعايىندالدى.
ۇقساس جاڭالىقتار
