قازاقستان پرەزيدەنتى قاسىم-جومارت توقاەۆ ۋكرايناداعى سوعىستا رەسەيدىڭ اسكەري تۇرعىدا جەڭىلمەيتىنىن تاعى دا مالىمدەدى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«مەن كانتسلەر شولتسپەن كەلىسسوزدەر بارىسىندا ايتقانىمداي، رەسەي اسكەري تۇرعىدا جەڭىلمەيدى. بۇل فاكت رەسەيدىڭ اسكەري الەۋەتىمەن، رەسەي حالقىنىڭ پرەزيدەنت ءپۋتيننىڭ ساياساتىن قولداۋىمەن جانە سول ەلدىڭ تاريحىمەن راستالادى. سوندىقتان ءبىز بەيبىت جولمەن شەشىم ىزدەۋدى قاجەت دەپ سانايمىز جانە قىتاي مەن برازيليانى قوسا العاندا بارلىق مەملەكەتتەردىڭ شىنايى جوسپارلارىن قولدايمىز»، – دەدى توقاەۆ بەيسەنبىدە.
مەملەكەت باسشىسىنىڭ ايتۋىنشا، «باسقا جول جوق».
«بۇل - ءوزارا جويۋعا اكەلەتىن سوعىس. مۇمكىن، كەيبىر الەمدىك كۇشتەر بۇعان مۇددەلى شىعار، بىراق بۇل – اپاتقا اپارار جول. كونسترۋكتيۆتى كەلىسسوزدەر ارقىلى بەيبىتشىلىككە ۇمتىلۋ – بۇل السىزدىكتىڭ بەلگىسى ەمەس، كەرىسىنشە، ستراتەگيالىق پاراساتتىلىقتىڭ كورىنىسى»، – دەدى پرەزيدەنت توقاەۆ.
