ەۋرازيالىق بانك كليماتتىڭ وزگەرۋىنە قارسى ءىس-قيمىلدى ىلگەرىلەتۋ ءۇشىن "باعا جەتپەس پلانەتا" كواليتسياسىنا قوسىلدى.
ەۋرازيالىق بانك Mastercard كومپانياسىنىڭ “باعا جەتپەس پلانەتا”جاھاندىق باستاماسىنا قوسىلعان قازاقستاننان شىققان العاشقى كومپانيا بولدى. وسى وقيعاعا وراي الماتى قالاسىندا 30 اعاش وتىرعىزىلدى.
ەۋرازيالىق بانك Conservation International قورىمەن جانە الەمدىك رەسۋرستار ينستيتۋتىمەن (World Resources Institute) سەرىكتەستىكتە قۇرىلعان Mastercard جاھاندىق باستاماسى – “باعا جەتپەس پلانەتا” كواليتسياسىنىڭ جاڭا سەرىكتەسى بولدى. كواليتسيا كليماتتىڭ وزگەرۋىمەن كۇرەسۋگە ۇلەس قوسۋ جانە قورشاعان ورتانى تۇراقتى دامىتۋ مەن ساقتاۋعا باعىتتالعان بۇكىل الەمدەگى كومپانيالاردىڭ كۇش-جىگەرىن بىرىكتىرەدى. ەۋرازيالىق بانك “باعا جەتپەس پلانەتا” كواليتسياسىنا قوسىلعان العاشقى قازاقستاندىق كومپانيا بولدى.
ەۋرازيالىق بانكتىڭ “باعا جەتپەس پلانەتا” كواليتسياسىمەن ىنتىماقتاستىعىنىڭ باستالۋىنا وراي قازاقستان-بريتان تەحنيكالىق ۋنيۆەرسيتەتىنىڭ جانىنداعى الاڭعا 30 قىزعىلت كاشتان اللەياسى وتىرعىزىلدى. اعاش وتىرعىزۋ 2009 جىلى بۇۇ باس اسسامبلەياسى قۇرعان جانە 2010 جىلدان باستاپ جىل سايىن 22 ساۋىردە اتاپ وتىلەتىن حالىقارالىق جەر-انالار كۇنىندە ءوتتى.
ەكو-جوبالاردى قولداۋ بيزنەستى ورنىقتى دامىتۋ ستراتەگياسىنىڭ ماڭىزدى ەلەمەنتى بولىپ تابىلادى: بۇعان دەيىن ەۋرازيالىق بانك قايتا وڭدەلگەن پلاستيكتەن جاسالعان ەكو-كارتانى شىعارۋدى باستادى، بۇل اركىمگە ەلدەگى كوگالداندىرۋ مەن قوقىستاردى سۇرىپتاۋدى قولداۋعا مۇمكىندىك بەرەدى. ەكو-كارتانى شىعارۋمەن قاتار، بانك بىرەگەي NFC-پلاكاتىن ۇسىندى، ول ارقىلى كەز كەلگەن بانكتىڭ تولەم كارتاسىن ۇستاۋشىلار ءبىر ءتۇرتۋ ارقىلى اعاش وتىرعىزۋعا 500 تەڭگە كولەمىندەگى ءبىر نەمەسە بىرنەشە تولەم جىبەرە الادى. وسىلايشا، سوڭعى ەكى جىلدا استانا، الماتى، وسكەمەن، قىزىلوردا جانە ەلىمىزدىڭ باسقا دا قالالارىندا بەس ءتۇرلى اعاش اللەياسى، 200-گە جۋىق اعاش وتىرعىزىلدى.
ء“بىز مەملەكەت باسشىسى العا قويعان مىندەتكە نازار اۋداردىق: 2060 جىلعا قاراي قازاقستاننىڭ كومىرتەگى بەيتاراپتىعىنا قول جەتكىزۋ. مۇنىڭ ءبىر جولى-قالالاردى كوگالداندىرۋدىڭ ءوسۋى جانە جاسىل تەحنولوگيانى ەنگىزۋ. بۇگىن ءبىز Mastercard حالىقارالىق “باعا جەتپەس پلانەتا” كواليتسياسىنىڭ جاڭا مۇشەسى بولعانىمىزدى جاريالاۋعا قۋانىشتىمىز. وعان قاتىسۋ ارقىلى ءبىز ءوز پلانەتامىزدى ءوزىمىز ءۇشىن جانە بولاشاق ۇرپاق ءۇشىن قورعاپ قانا قويماي، سونىمەن بىرگە قوعامدىق سانا مەن جاۋاپتى كاسىپكەرلىكتى ناسيحاتتايمىز. ەكولوگيالىق تۇراقتىلىق بيزنەستىڭ اجىراماس بولىگىنە اينالۋى ءتيىس جانە ءبىزدىڭ بانك بۇل قوزعالىستىڭ باسىندا تۇرعانىن ماقتان تۇتادى”، – دەدى ەۋرازيالىق بانكتىڭ باسقارما توراعاسى ءلاززات ساتيەۆا.
Mastercard ينكليۋزيۆتى، تۇراقتى تسيفرلىق ەكونوميكانى قۇرۋعا تىرىسادى، وندا اركىمنىڭ ءوز الەۋەتىن جۇزەگە اسىرۋعا مۇمكىندىگى بار. بۇل جاھاندىق مىندەت ءوزىنىڭ كومىرتەگى ءىزىن ازايتۋدى جانە سەرىكتەستەر مەن تۇتىنۋشىلارعا ءدال وسىلاي جاساۋعا كومەكتەسۋدى قامتيدى. Mastercard جەلىسىنە 100 ميلليوننان استام ساۋدا نۇكتەلەرى جانە 20 000 كليەنت-بانكتەر جانە باسقا سەرىكتەستەر كىرەدى، ال اينالىمداعى كارتالاردىڭ جالپى سانى 3 ميللياردقا جەتەدى. وسى جەلى ارقىلى Mastercard “باعا جەتپەس پلانەتا” كواليتسياسى سياقتى سەرىكتەستىكتەر قۇرىپ، ادامداردىڭ “كومىرتەگى كالكۋلياتورى” ارقىلى تابيعاتقا دەگەن جاۋاپكەرشىلىگى تۋرالى بىلىمدەرىن پوپۋليزاتسيالايدى. Masterسard تۇراقتىلىق يننوۆاتسيالارى زەرتحاناسى سونىمەن قاتار تۇراقتى تسيفرلىق ونىمدەردى زەرتتەۋ، دامىتۋ ورتالىعى جانە سەرىكتەستەرمەن بىرگە بولاشاق شەشىمدەردى جاساۋ پلاتفورماسى رەتىندە قىزمەت ەتەدى. كومپانيا 2040 جىلعا قاراي نولدىك شىعارىندىلارعا قول جەتكىزۋگە مىندەتتەمە الدى جانە جاڭارتىلاتىن ەنەرگيا كوزدەرىن قولدايدى، كۇن پانەلدەرى Mastercard data-ورتالىقتارى تۇتىناتىن ەنەرگيانىڭ 50%-دان استامىن قۇرايدى. بۇدان باسقا، Mastercard قايتا وڭدەلگەن شيكىزاتتان پلاستيكالىق كارتالاردى شىعارۋ جوبالارىن جانە تسيفرلىق كارتالاردى شىعارۋ جوبالارىن بارلىق جەردە باستايدى. كوپتەگەن ەلدەردەگى كارتا ۇستاۋشىلار قازىردىڭ وزىندە وزدەرىنىڭ كومىرتەگى ءىزىن ەسەپتەي الادى جانە تۇتىنۋشىلىق مىنەز-قۇلقىنىڭ سو2 شىعارىندىلارىنا اسەرىن باعالاي الادى.
“Mastercard-تا ءبىز ادامداردىڭ وركەندەۋى مەن پلانەتانىڭ وركەندەۋى ءبىر-بىرىمەن تىعىز بايلانىستى دەپ سانايمىز: كليماتتىڭ وزگەرۋىنە قارسى شارالار قابىلداعان كەزدە ءبىز تۇراقتى قاۋىمداستىقتار قۇرۋعا ىقپال ەتەمىز. “جاقسىلىق جاساۋ ارقىلى تابىسقا جەتۋ” فيلوسوفياسىنا سايكەس (Doing well by doing good) ءبىزدىڭ كومپانيا كەلەسى ۇرپاق ءۇشىن سالاۋاتتى كليمات پەن قورشاعان ورتانى ساقتاۋ ءۇشىن سەرىكتەستىك مۇمكىندىكتەرىن پايدالانادى. سوندىقتان بۇگىن ءبىز ەۋرازيالىق بانككە “باعا جەتپەس پلانەتا” كواليتسياسىنا قوش كەلدىڭىزدەر دەيمىز جانە ادامدار مەن پلانەتا وركەندەيتىن بولاشاقتى قۇرۋ ءۇشىن كۇش بىرىكتىرۋدى اسىعا كۇتەمىز”، – دەدى ورتالىق ازياداعى Mastercard باس ديرەكتورى رافال ترەپكا.
«باعا جەتپەس پلانەتا» كواليتسياسى –بۇل Mastercard Conservation International جانە الەمدىك رەسۋرستار ينستيتۋتىمەن بىرلەسىپ قۇرعان كليماتقا، قاۋىمداستىقتارعا جانە بيوارتۇرلىلىككە وڭ اسەر ەتۋ الەۋەتى جوعارى جەرلەردە 100 ميلليون اعاش وتىرعىزۋ ءۇشىن جۇمىس ىستەيتىن 150-تان استام سەرىكتەستەردەن تۇراتىن جاھاندىق باستاما. قازىرگى ۋاقىتتا كواليتسيا سەرىكتەستەرى كليماتتىڭ وزگەرۋىنە قارسى ۇجىمدىق ءىس-شارالارعا تۇتىنۋشىلاردى تارتۋ ءۇشىن قايىرىمدىلىق جاساۋعا نەمەسە ناۋقان جۇرگىزۋگە ۋادە بەردى. ) “باعا جەتپەس پلانەتا” كواليتسياسى قۇرىلعاننان بەرى قالپىنا كەلتىرۋ جوبالارىنىڭ پورتفوليوسىندا 6 كونتينەنتتە 20 ەلدەگى نىساندار بار.
«حالىقارالىق جەر-انا كۇنى» 2010 جىلدان باستاپ جىل سايىن 22 ساۋىردە اتاپ وتىلەدى. بۇۇ باس اسسامبلەياسى 2009 جىلى بەلگىلەگەن (№A/RES/63 / 278 قارار). رەزوليۋتسيادا “جەر-انا” تەرمينى كوپتەگەن ەلدەردە كەڭ تارالعان، بۇل پلانەتا، ونىڭ ەكوجۇيەلەرى مەن ادام اراسىنداعى بايلانىستى كورسەتەدى. بۇۇ-عا مۇشە بارلىق مەملەكەتتەرگە، حالىقارالىق جانە ۇكىمەتتىك ەمەس ۇيىمدارعا “حالىقارالىق جەر-انا كۇنىن” اتاپ ءوتۋدى ۇسىنا وتىرىپ، باس اسسامبلەيا جەر كۇنى مەرەكەسى كوپتەگەن ەلدەردە جىل سايىن اتاپ وتىلەتىنىنە نازار اۋدارادى.
قر قارجى نارىعىن رەتتەۋ جانە دامىتۋ اگەنتتىگى بەرگەن 2020 جىلعى 3 اقپانداعى № 1.2.68/242/40 ليتسەنزياسى.
