ۇلىتاۋ وبلىسىندا «تازا قازاقستان» رەسپۋبليكالىق ەكولوگيالىق اكتسياسى اياسىندا اۋقىمدى جالپىوبلىستىق سەنبىلىك ۇيىمداستىرىلدى.
ەكولوگيالىق شاراعا ءوڭىردىڭ بارلىق قالا-اۋداندارىنان 402 ۇجىم مەن 5200-دەن استام تۇرعىن بەلسەندى قاتىستى. سەنبىلىك بارىسىندا 104 ارنايى تەحنيكا جۇمىلدىرىلىپ، ناتيجەسىندە 472 توننا قاتتى تۇرمىستىق قالدىق شىعارىلدى.
تازالىق جۇمىستارى اياسىندا جالپى كولەمى 212 گەكتار اۋماق رەتكە كەلتىرىلىپ، ەلدى مەكەندەردىڭ سانيتارلىق جاعدايى جاقسارتىلدى. سونىمەن قاتار، قورشاعان ورتانى كوگالداندىرۋ ماقساتىندا 600 ءتۇپ اعاش وتىرعىزىلدى.
اتالعان اكتسيا ءوڭىردىڭ ەكولوگيالىق مادەنيەتىن ارتتىرۋعا، تۇرعىنداردىڭ تابيعاتقا دەگەن جاۋاپكەرشىلىگىن كۇشەيتۋگە باعىتتالعان. ۇيىمداستىرۋشىلار مۇنداي شارالار الداعى ۋاقىتتا دا جالعاسىن تاباتىنىن اتاپ ءوتتى.
ۇلىتاۋ ءوڭىرىنىڭ تازالىعى – بارشامىزعا ورتاق مىندەت.
