ەكس-پرەزيدەنت نۇرسۇلتان نازارباەۆتىڭ جيەنى اقبوتا نازارباەۆا يەلىك ەتەتىن «تولاعاي-2050» جشس كەسىرىنەن 30 مىڭ الماتىلىق تۇرعىننىڭ ومىرىنە قاۋىپ ءتونىپ تۇر، دەپ حابارلايدى “ادىرنا” ۇلتتىق پورتالى.
تجم اقپاراتىنشا، اقساي شاتقالىنداعى سەلدى ۇستايتىن بوگەتكە جاۋاپتى مەردىگەر ءوز مىندەتتەمەلەرىن ورىنداماي وتىر.
“قر توتەنشە جاعدايلار ءمينيسترى شىڭعىس ءارىنوۆ "اقساي" باسسەينىندەگى سەلدى ۇستايتىن بوگەتتى تەكسەرۋ كەزىندە مەردىگەردىڭ جوعارىدا اتالعان وبەكتىنى سالۋ بويىنشا مىندەتتەمەلەرىن ورىنداماۋىنا بايلانىستى بەلگىلى ءبىر بۇزۋشىلىقتاردى انىقتادى (الماتى قالاسىنىڭ 30 مىڭعا جۋىق تۇرعىنىنىڭ ومىرىنە قاۋىپ ءتونىپ تۇر), وسىعان بايلانىستى "قازسەلدەنقورعاۋ" باسشىلىعىنىڭ الدىندا ءتيىستى ماتەريالداردى پروتسەسسۋالدىق شەشىم قابىلداۋ ءۇشىن قر قارجى مونيتورينگى اگەنتتىگىنە بەرۋ تۋرالى ماسەلە كوتەرىلدى . ونىڭ ناتيجەلەرى بويىنشا قر قما قىلمىستىق ءىس قوزعادى جانە مەردىگەر ۇيىمنىڭ جاۋاپتى تۇلعالارىنا قاتىستى بيۋدجەت قاراجاتىن ۇرلاۋ بويىنشا تەرگەۋ جۇرگىزىلۋدە”، دەلىنگەن مينيسترلىك حابارلاماسىندا.
ال، Protenge مالىمەتىنشە، نىساننىڭ قۇرىلىسىن اقبوتا نازارباەۆا يەلىك ەتەتىن «تولاعاي-2050» كومپانياسى جۇرگىزگەن.
بوگەتتىڭ ءوزى الماتى وبلىسىنىڭ قاراساي اۋدانى مەن الماتىنىڭ ناۋرىزباي اۋدانىنىڭ تۇرعىندارىن قورعايدى.
بوگەت ساپاسىز سالىنعان، تاپسىرىس بەرۋشىنىڭ ايتۋىنشا، قازىر سىناقتار ءجۇرىپ جاتىر، باسسەيندە ەرىگەن سۋ جينالىپ جاتىر. بيىل كومپانيا مەملەكەتپەن ونداعان ميلليارد تەڭگەنىڭ 39 كەلىسىمشارتى مەن قوسىمشا كەلىسىمدەرگە قول قويدى، دەپ جازادى ProTenge.
