شىمكەنت قالاسىنىڭ قوعامدىق كەڭەسىنىڭ مۇشەسى رۇستەم اشەتاەۆ "جايلى مەكتەپ" جوباسىنىڭ جوسپارلارىنا قاتىستى سىنىن ايتتى، دەپ جازادى "ادىرنا". بۇل تۋرالى ول Facebook جەلىسىندە ءبولىستى.
"جايلى مەكتەپ" ۇلتتىق جوباسى مەكتەپتەردەگى ورىن تاپشىلىعىن بولدىرماۋعا، اپاتتى جاعدايداعى جانە ءۇش اۋىسىمدى مەكتەپتەر ماسەلەسىن تولىعىمەن شەشۋگە باعىتتالعان. 2023-2025 جىلدارى ەلىمىزدە 401 جايلى مەكتەپ سالىنۋ جوسپارلانىپ وتىر.
رۇستەم ەسىمحانۇلىنىڭ ايتۋىنشا، وسى جوبانى ىسكە اسىرۋ بويىنشا ساپاسىز جۇمىستارىمەن اتى شىققان توو «كورپوراتسيا اق ورداسى» سىندى وزگە دە قۇرىلىس كومپانيالارى كونكۋرسقا قاتىسىپ جاتىر ەكەن. بەلگىلى بولعانداي، بۇل كومپانيا كەزىندە شىمكەنت اكىمشىلىگىنىڭ جانىنداعى اينالدىرعان 5-6 جىلدا سىرتقى قاباتى ءتۇسىپ قالعان “سارى ۇيلەردىڭ” ساپاسىز قۇرىلىستارىن جاساعان.
ءوزىنىڭ جازباسىندا ول وسى جوباعا جاۋاپتى «Samruk-Kazyna Construction» AK باسقارما توراعاسى ماۋلەن ايمانبەتوۆكە بىرنەشە قاداعالانۋى ءتيىس ماسەلەلەردى ءتىزىپ بەردى.
"جاۋاپكەرشىلىگى تومەن، ساپاسىز قۇرىلىستارىمەن اتى شىققان، ولاردىڭ ۇستىنەن بىرنەشە سوت پروتسەسستەرى ءوتىپ جاتقان توو «كورپوراتسيا اق ورداسى» قۇرىلىس كومپانياسىن بۇل كونكۋرستان شەتتەتىلۋىن جانە وسى كومپانيانىڭ شىمكەنت قالاسىنداعى جالپى قۇنى 16 ملرد تەڭگە بولاتىن ءۇش مەكتەپتىڭ قۇرىلىلىسىن سوعۋىنا قارسىلىعىمدى بىلدىرەمىن!" دەپ جازدى ول.
تولىق جازبا:
"ادىرنا" ۇلتتىق پورتالى
