بۇگىن - نازارباەۆ العاش رەت پرەزيدەنت رەتىندە انت بەرگەن كۇن، دەپ حابارلايدى "ادىرنا" ءتىلشىسى.
وسىدان 32 جىل بۇرىن نۇرسۇلتان نازارباەۆ العاش رەت پرەزيدەنت رەتىندە انت بەرگەن.
پرەزيدەنت سايلاۋىنىڭ ناتيجەسى
1990 جىلى قازاق كسر-ءىنىڭ «قازاق كسر پرەزيدەنتى قىزمەتىن بەكىتۋ جانە كونستيتۋتسياعا (نەگىزگى زاڭ) وزگەرتۋلەر مەن تولىقتىرۋلار ەنگىزۋ تۋرالى» زاڭى، قازاق كسر جوعارعى كەڭەسىنىڭ «قازاق كەڭەس سوتسياليستىك رەسپۋبليكاسىنىڭ پرەزيدەنتى تۋرالى» جارلىعى قابىلداندى.
سول جىلدىڭ 24 ساۋىرىندە جوعارعى كەڭەستە زاڭ قابىلداعاننان كەيىن، پرەزيدەنتتى سايلاۋدا جاسىرىن داۋىس بەرۋگە قاتىسقان 335 دەپۋتاتتىڭ 317-ءسى نازارباەۆتى قولداپ، 18-ءى قارسى داۋىس بەرگەن. داۋىس بەرۋدىڭ ءناتيجەسىندە قازاقستاننىڭ تۇڭعىش پرەزيدەنتى بولىپ نۇرسۇلتان ءابىشۇلى نازارباەۆ سايلاندى.
پرەزيدەنت ءوز قىزمەتىنە كىرىستى
ال 1991 جىلى 10 جەلتوقساندا "قازاق كەڭەستىك سوتسياليستىك رەسپۋبليكاسىنىڭ اتاۋىن وزگەرتۋ تۋرالى" قازاق كسر زاڭىمەن قازاق كسر قازاقستان رەسپۋبليكاسى بولىپ قايتا اتالدى.
قر جوعارعى كەڭەسى "قازاقستان رەسپۋبليكاسى پرەزيدەنتىنىڭ قىزمەتكە كىرىسۋى تۋرالى" قاۋلى قابىلدادى، وعان سايكەس ن. ءا. نازارباەۆ 1991 ج. 10 جەلتوقساننان باستاپ قر پرەزيدەنتى قىزمەتىنە كىرىستى دەپ ەسەپتەلدى.
1991 جىلى وتكەن پرەزيدەنت سايلاۋىندا كانديدات رەتىندە نۇرسۇلتان نازارباەۆ تىركەلدى. سايلاۋ قورىتىندىسى بويىنشا ەكس-پرەزيدەنت 98,8% داۋىس جيناپ، قر پرەزيدەنتى اتاندى.
رەسپۋبليكا اتاۋى وزگەرتىلدى
سول ۋاقىتتا جاريالانعان قازاق كسر جوعارعى كەڭەسى «قازاق كەڭەستىك سوتسياليستىك رەسپۋبليكاسىنىڭ اتاۋىن وزگەرتۋ تۋرالى» زاڭعا سايكەس جاڭا قۇرىلعان تاۋەلسىز مەملەكەت قازاقستان رەسپۋبليكاسى دەپ اتالدى.
ءدال وسى كۇنى نۇرسۇلتان نازارباەۆتى مەملەكەت باسشىسى رەتىندە ۇلىقتاۋ ءراسىمى ءوتتى.
