ورالدا جانۋارلار زووباقتان شىعارىلۋدا، - دەپ حابارلايدى “ادىرنا” پورتالى كتك-عا سىلتەمە جاساپ.
ەكولوگيالىق-بيولوگيالىق ورتالىق (زووباق) شاعان وزەنىنىڭ جاعاسىندا ورنالاسقان. ونىڭ اۋماعىنىڭ ءبىر بولىگىن سۋ باسقان. حايۋاناتتار باعىندا 90 ءتۇرلى 250-دەن استام جانۋار بار. تۇياقتىلار ورتالىقتان شىعارىلۋدا، بۇعان دەيىن قىزمەتكەرلەر ۇيلەرىنە قۇستار مەن جىلانداردى ورنالاستىرىپ قويعان. بالىقتار قالالىق جانۋارلار دۇكەندەرىندە ۋاقىتشا پانالايدى. تىشقانداردى، ەگەۋقۇيرىقتاردى، تاسباقالاردى جۇك كولىكتەرىمەن الىپ كەتتى. ەسەك، پوني جانە جىلقىلار ءۇشىن ءۇي-جايلار مەن جىلى گاراجدار دايىندالدى.
دەگەنمەن، ءىرى جىرتقىشتاردى - ايۋلاردى، قاسقىرلاردى، قابىلانداردى كوشىرۋ وڭايعا سوقپاۋدا. ولاردى ارنايى قورشاۋلاردا تاسىمالداۋ كەرەك جانە ونىڭ ءوزى ۇلكەن جۇمىس بولادى. امال قالماي، جىرتقىشتاردى قالدىرۋ قاجەت بولعان جاعدايدا، تورلار تۇرلەندىرىلىپ، جوعارى كوتەرىلەدى.
"ارينە، بۇل جانۋارلار ءۇشىن جۇرەگىم اۋىرادى. ويتكەنى ولار ءبىزدىڭ كوز الدىمىزدا ءوسىپ كەلەدى، جانە ءبىز ولاردى ەشبىر جاعدايدا وسىندا قالدىرمايمىز. بۇل ءبىزدىڭ كىشكەنتاي بالالارىمىز! بۇل مۇمكىن ەمەس. سوندىقتان قازىر كوپ الاڭداۋشىلىق تۋدىرۋدا. ولار. ارينە، ادامدار كوپ ۇسىنىس جازۋدا، كوپ ادامدار ۇيىقتاتۋ كەرەك دەيدى. بىراق ولاردىڭ ويانۋ ىقتيمالدىعى بار ما؟ ويانباعان جاعدايدا بۇل ءتىپتى كۇردەلى ماسەلەگە اينالادى. سوندىقتان بۇل جاعداي ءالى دە شەشىمىن تابادى»، – دەيدى ورتالىق ديرەكتورى فاتيما كەرجيكوۆا.
