ەلىمىزدە كوكتەم كەلگەلى قار ەرىپ، سۋ تاسقىنى باستالدى. ەرىگەن قار سۋى مەن جاڭبىر سۋى بىرنەشە وبلىس تۇرعىن ابدەن ابىرگەرگە تۇسىرگەن، دەپ حابارلايدى "ادىرنا" ءتىلشىسى.
بۇگىن ارنايى كوميسسيا سۋ باسقان بارلىق ۇيگە كەلتىرىلگەن زالالدى باعالاۋ جۇمىستارىنا كىرىسكەن. سۋ تاسقىنىنان زارداپ شەككەندەرگە جەرگىلىكتى وبلىس بيۋدجەتىنىڭ رەزەرۆىنەن جانە بيۋدجەتتەن تىس قاراجات ەسەبىنەن كومەك كورسەتىلەتىن بولادى.
ودان بولەك قينالعاندارعا قول ۇشىن سوزعاندار كوپ. حالىق جاپپاي قاراجات اۋدارسا، ەندىگى ءبىرى ازىق-تۇلىك، كورپە-توسەك جىبەرىپ جاتىر.
قوجا احمەت ياساۋي اتىنداعى ۋنيۆەرسيتەتتىڭ ارحەولوگيا عىلىمي-زەرتتەۋ ينستيتۋتىنىڭ جەتەكشى عىلىمي قىزمەتكەرى مۇحتار قوجا دا بىرلەستىكپەن بىرگە قارجىلاي كومەك كورسەتىپ جاتقانىن جازعان.
"قوجا احمەت ياساۋي اتىنداعى ۋنيۆەرسيتەتتىڭ ارحەولوگيا عىلىمي-زەرتتەۋ ينستيتۋتىنىڭ قىزمەتكەرلەرى سۋدان زارداپ شەككەن حالىققا ءبىر كۇندىك جالاقىسىن اۋداراتىن بولدى. كوپ تۇكىرسە كول دەگەن. وليحارتار دا ايانىپ قالماس دەپ ويلايمىن", - دەپ جازدى ول.
