اتىراۋ وبلىسىندا سۋ باسۋ كەزىندە جوعالعان ەر ادامنىڭ دەنەسى تابىلدى، دەپ حابارلايدى "ادىرنا" ءتىلشىسى.
قۇلسارى قالاسىندا قۇتقارۋشىلار سۋ تاسقىنى كەزىندە ءوز ءۇيىن تەكسەرۋگە كەتكەن اكەلى-بالالىنى ءبىر اپتادان بەرى ىزدەستىرىپ جاتقانى حابارلانعان. الايدا 1976 جىلى تۋعان ەر ادامنىڭ دەنەسى بۇگىن سۋ استىنان تابىلعان.
جۋرناليست دياس نۇراقىن Facebook جەلىسىندەگى پاراقشاسىندا:
"قۇلسارىدا سۋعا كەتكەن ەكى ادامنىڭ ءبىرى تابىلدى. اكەسى مەن بالاسى سۋ باسقان ۇيلەرىن كورىپ كەلەمىز دەپ ءىز-ءتۇزسىز جوعالعان ەدى. بۇگىن اكەسىنىڭ دەنەسى سۋ استىنان تابىلدى", - دەپ جازدى.
ەسكە سالا كەتەيىك، 6 ساۋىردەن بەرى قۇلسارى قالاسىندا قۇتقارۋشىلار ۇيلەردى سۋ باسۋ كەزىندە جوعالعان اكەسى مەن 2000 جىلعى ۇلىن ىزدەستىرىپ جاتقانى تۋرالى جازعان ەدىك. ولار جىلىوي اۋدانى قۇلسارى قالاسى 4-ىقشام اۋدانىنداعى اۆتودوروجنيك كوشەسىندە ورنالاسقان ءۇيدىڭ تۇرعىندارى.
قازىر جوعالعان بالانى ىزدەۋ جۇمىستارى جالعاسىپ جاتىر.
