Oralda janýarlar zoobaqtan shyǵarylýda, - dep habarlaıdy “Adyrna” portaly KTK-ǵa silteme jasap.
Ekologııalyq-bıologııalyq ortalyq (zoobaq) Shaǵan ózeniniń jaǵasynda ornalasqan. Onyń aýmaǵynyń bir bóligin sý basqan. Haıýanattar baǵynda 90 túrli 250-den astam janýar bar. Tuıaqtylar ortalyqtan shyǵarylýda, buǵan deıin qyzmetkerler úılerine qustar men jylandardy ornalastyryp qoıǵan. Balyqtar qalalyq janýarlar dúkenderinde ýaqytsha panalaıdy. Tyshqandardy, egeýquıryqtardy, tasbaqalardy júk kólikterimen alyp ketti. Esek, ponı jáne jylqylar úshin úı-jaılar men jyly garajdar daıyndaldy.
Degenmen, iri jyrtqyshtardy - aıýlardy, qasqyrlardy, qabylandardy kóshirý ońaıǵa soqpaýda. Olardy arnaıy qorshaýlarda tasymaldaý kerek jáne onyń ózi úlken jumys bolady. Amal qalmaı, jyrtqyshtardy qaldyrý qajet bolǵan jaǵdaıda, torlar túrlendirilip, joǵary kóteriledi.
"Árıne, bul janýarlar úshin júregim aýyrady. Óıtkeni olar bizdiń kóz aldymyzda ósip keledi, jáne biz olardy eshbir jaǵdaıda osynda qaldyrmaımyz. Bul bizdiń kishkentaı balalarymyz! Bul múmkin emes. Sondyqtan qazir kóp alańdaýshylyq týdyrýda. olar. Árıne, adamdar kóp usynys jazýda, kóp adamdar uıyqtatý kerek deıdi. Biraq olardyń oıaný yqtımaldyǵy bar ma? Oıanbaǵan jaǵdaıda bul tipti kúrdeli máselege aınalady. Sondyqtan bul jaǵdaı áli de sheshimin tabady», – deıdi ortalyq dırektory Fatıma Kerjıkova.
