ۇيىمداسقان قىلمىستىق توپتى قۇرعانى جانە ونىڭ قىزمەتىنە باسشىلىق ەتكەنى ءۇشىن قىلمىستىق جاۋاپكەرشىلىككە تارتۋ ماقساتىندا ازەربايجاننان قازاقستان ازاماتى ەكستراديتسيالاندى. بۇل تۋرالى باس پروكۋراتۋرانىڭ ءباسپاسوز قىزمەتءى جاريالادى، دەپ حابارلايدى “ادىرنا” ۇلتتىق پورتالى.
"2016-2018 جىلدارى ارالىعىندا كۇدىكتى قازاقستانعا حالىق تۇتىناتىن تاۋارلاردى كونتراباندالىق جولمەن اكەلۋمەن اينالىسقان، سونداي-اق كەدەندىك تولەمدەر مەن سالىقتاردى تولەۋدەن جالتارعان قىلمىستىق توپتى تىكەلەي باسقارعان", - دەپ جازىلعان حابارلامادا.
وسى قىزمەتتىڭ سالدارىنان مەملەكەتكە 4 ميلليارد تەڭگەدەن استام شىعىن كەلتىرىلگەن.
اقپاراتقا سايكەس، ول قىلمىس جاساعاننان كەيىن تەرگەۋدەن جاسىرىنىپ، حالىقارالىق ىزدەۋگە جاريالاندى.كەيىن كۇدىكتى ازەربايجان اۋماعىندا ۇستالدى. ونى باس پروكۋراتۋرا جانە قارجىلىق مونيتورينگ اگەنتتىگىنىڭ قىزمەتكەرلەرى قازاقستاننىڭ سىرتقى ىستەر مينيسترلىگىنىڭ كومەگىمەن ەلگە جەتكىزدى. قازىرگى ۋاقىتتا كۇدىكتى اقتاۋ قالاسىنىڭ تەرگەۋ يزولياتورىندا وتىر.
اتالعان قىلمىستى جاساعانى ءۇشىن مۇلكى تاركىلەنىپ، جەتى جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
