Uıymdasqan qylmystyq topty qurǵany jáne onyń qyzmetine basshylyq etkeni úshin qylmystyq jaýapkershilikke tartý maqsatynda Ázerbaıjannan Qazaqstan azamaty ekstradıııalandy. Bul týraly Bas prokýratýranyń baspasóz qyzmeti jarııalady, dep habarlaıdy “Adyrna” ulttyq portaly.
"2016-2018 jyldary aralyǵynda kúdikti Qazaqstanǵa halyq tutynatyn taýarlardy kontrabandalyq jolmen ákelýmen aınalysqan, sondaı-aq kedendik tólemder men salyqtardy tóleýden jaltarǵan qylmystyq topty tikeleı basqarǵan", - dep jazylǵan habarlamada.
Osy qyzmettiń saldarynan memleketke 4 mıllıard teńgeden astam shyǵyn keltirilgen.
Aqparatqa sáıkes, ol qylmys jasaǵannan keıin tergeýden jasyrynyp, halyqaralyq izdeýge jarııalandy.Keıin kúdikti Ázerbaıjan aýmaǵynda ustaldy. Ony Bas prokýratýra jáne Qarjylyq monıtorıng agenttiginiń qyzmetkerleri Qazaqstannyń Syrtqy ister mınıstrliginiń kómegimen elge jetkizdi. Qazirgi ýaqytta kúdikti Aqtaý qalasynyń tergeý ızolıatorynda otyr.
Atalǵan qylmysty jasaǵany úshin múlki tárkilenip, jeti jyldan on eki jylǵa deıingi merzimge bas bostandyǵynan aıyrý jazasy qarastyrylǵan.
