تۇركيا پرەزيدەنتى رەجەپ تايىپ ەردوعان يران دروندارىنىڭ ناحچىۆان اۆتونوميالىق رەسپۋبليكاسى اۋماعىنا جاساعان شابۋىلىن ايىپتادى، دەپ حابارلايدى "ادىرنا" ۇلتتىق پورتالى.
مالىمەتكە سايكەس، ەردوعان بۇل تۋرالى مالىمدەمەسىندە يلحام اليەۆپەن سويلەسكەنىن اتاپ ءوتتى.
«مەن باۋىرىم يلحامعا ناحچىۆان اۆتونوميالىق رەسپۋبليكاسىنا جاسالعان بۇگىنگى شابۋىلعا قاتتى الاڭداۋشىلىق ءبىلدىرىپ، ونى ايىپتايتىنىمىزدى جەتكىزدىم. وڭىردە قان توگىلمەۋى، بەيبىت تۇرعىندار قازا تاپپاۋى جانە شيەلەنىس قايتىمسىز دەڭگەيگە جەتپەۋى ءۇشىن كوپجاقتى ديپلوماتيالىق جۇمىستار جالعاسىپ جاتىر»، – دەدى تۇركيا باسشىسى.
ەردوعاننىڭ ايتۋىنشا، ايماقتاعى جاعدايدى تۇراقتاندىرۋ ءۇشىن ديپلوماتيالىق جولدارمەن ماسەلەنى شەشۋ ماڭىزدى.
ۇقساس جاڭالىقتار
