6 شىلدەدەگى ميتينگىدە 100-دەن اسا ادام ۇستالدى - ءىىم

1934
Adyrna.kz Telegram

6 شىلدەدە نۇر-سۇلتان جانە الماتى قالالارىندا رۇقسات ەتىلمەگەن ميتينگىگە شىققان 100-دەن اسا ادام ۇستالدى. بۇل تۋرالى ىشكى ىستەر ءمينيسترى ەرلان تۇرعىمباەۆ مالىمدەدى.

"6 شىلدەدە نۇر-سۇلتان جانە الماتى قالالارىندا رۇقسات ەتىلمەگەن ميتينگىگە شىققان 100-دەن اسا ادام ۇستالدى، 44 ادام اكىمشىلىك جاۋاپكەرشىلىككە تارتىلدى، 19-ى اكىمشىلىك قاماۋعا الىندى، تاعى 23 ادامعا ايىپپۇل سالىندى، قالعاندارى اڭگىمە جۇرگىزىلىپ، ۇيىنە جىبەرىلدى", - دەدى تۇرعىمباەۆ ۇكىمەت وتىرىسىنان كەيىن كۋلۋاردا.

ايتا كەتەيىك، 6 شىلدەدە، مەرەكە كۇنى، نۇر-سۇلتان جانە الماتى قالالارىندا رۇقسات ەتىلمەگەن ميتينگىلەر وتكىزۋگە ارەكەت جاسالدى. پروكۋراتۋرانىڭ بىرنەشە رەت ەسكەرتۋىنە قاراماستان، جەكەلەگەن ازاماتتار تىيىم سالىنعان ەكسترەميستىك ۇيىمنىڭ ارانداتۋشىلىق شاقىرۋلارىنا ۇشىرادى. ولاردىڭ كەيبىرەۋلەرى باسقا ازاماتتاردىڭ تىنىشتىعى مەن قاۋىپسىزدىگىنە قاۋىپ توندىرە وتىرىپ، قۇقىق قورعاۋ قىزمەتكەرلەرىنە قاتىستى قۇقىققا قارسى ارەكەتتەر جاساي باستادى. وسىعان بايلانىستى ىشكى ىستەر ورگاندارى قوعامدىق ءتارتىپتى بۇزۋدىڭ جولىن كەسۋ بويىنشا زاڭدا كوزدەلگەن شارالاردى قابىلداعانى ايتىلادى. ۇيىمداستىرۋشىلار مەن بەلسەندى قاتىسۋشىلار پوليتسيا بولىمشەلەرىنە جەتكىزىلگەن. جەكە تۇلعالاردان ءتۇتىن شاشكالارى مەن تراۆمات قارۋى تاركىلەنگەن. ء"تارتىپ بۇزۋشىلاردى ۇستاۋ بارىنشا دۇرىس جۇرگىزىلدى، ارنايى قۇرالدار قولدانىلعان جوق", - دەپ مالىمدەدى ءىىم وكىلدەرى.

 

"ادىرنا" ۇلتتىق پورتالى

پىكىرلەر