سونداي-اق مەملەكەت باسشىسى "ساۋلەت، قالا قۇرىلىسى جانە قۇرىلىس ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" زاڭعا دا قول قويعانى حابارلاندى.
قۇرىلىس كودەكسى ساۋلەت، قالا قۇرىلىسى جانە قۇرىلىس سالاسىنداعى قىزمەتتى قۇقىقتىق تۇرعىدا رەتتەۋگە باعىتتالعان. سونىمەن قاتار ول ادامداردىڭ قاۋىپسىز ءومىر ءسۇرۋ ورتاسىن قالىپتاستىرۋدى، ەلدى مەكەندەردى قالا قۇرىلىسى تۇرعىسىنان جوسپارلاۋ مەن دامىتۋدى، سونداي-اق حالىقتىڭ بارلىق ساناتتارى ءۇشىن الەۋمەتتىك ينفراقۇرىلىم نىساندارىنا كەدەرگىسىز قولجەتىمدىلىكتى قامتاماسىز ەتۋدى كوزدەيدى.
اتاپ ايتقاندا، قۇزىرەتتەرگە قاتىستى بىرقاتار نورمالار الىنىپ تاستالدى:
- ساۋلەت، قالا قۇرىلىسى جانە قۇرىلىس ىستەرى جونىندەگى ۋاكىلەتتى ورگاننىڭ مەملەكەتتىك ساراپتاما ۇيىمى كورسەتەتىن جوبالاۋ سالاسىنداعى كونسۋلتاتسيالىق قىزمەتتەردىڭ ءتارتىبى مەن قۇنىن ازىرلەۋ جانە بەكىتۋ جونىندەگى وكىلەتتىگى;
- ۋاكىلەتتى ورگاننىڭ رەسپۋبليكالىق ماڭىزى بار قالالار، استانا جانە وبلىستاردىڭ باس ساۋلەتشىلەرىن تاعايىنداۋدى كەلىسۋ جونىندەگى نورماسى;
- اۋدان اكىمدىكتەرىنىڭ جەر ۋچاسكەلەرىن بەرۋ قۇقىعى.
سونىمەن قاتار مەردىگەردىڭ (باس مەردىگەردىڭ) قۇرىلىس نىسانىن ۋتيليزاتسيالاۋ نەمەسە ءسۇرۋ (بۇزۋ) تۋرالى مەنشىك يەسىمەن تەڭ دارەجەدە شەشىم قابىلداۋىنا مۇمكىندىك بەرەتىن نورما دا الىنىپ تاستالدى. ويتكەنى قولدانىستاعى زاڭناماعا سايكەس، مەردىگەردىڭ مۇنداي شەشىم قابىلداۋعا زاڭدى نەگىزى جوق.
بۇدان بولەك، سەل، كوشكىن جانە قار كوشكىنى قاۋپى بار اۋماقتاردىڭ كارتالارىن قولدانۋعا قاتىستى نورمالاردىڭ قولدانىلۋىن 2030 جىلعا دەيىن توقتاتا تۇرۋ تۋرالى ەرەجە ناقتىلاندى.
