6 shildede Nur-Sultan jáne Almaty qalalarynda ruqsat etilmegen mıtıngige shyqqan 100-den asa adam ustaldy. Bul týraly ishki ister mınıstri Erlan Turǵymbaev málimdedi.
"6 shildede Nur-Sultan jáne Almaty qalalarynda ruqsat etilmegen mıtıngige shyqqan 100-den asa adam ustaldy, 44 adam ákimshilik jaýapkershilikke tartyldy, 19-y ákimshilik qamaýǵa alyndy, taǵy 23 adamǵa aıyppul salyndy, qalǵandary áńgime júrgizilip, úıine jiberildi", - dedi Turǵymbaev úkimet otyrysynan keıin kýlýarda.
Aıta keteıik, 6 shildede, mereke kúni, Nur-Sultan jáne Almaty qalalarynda ruqsat etilmegen mıtıngiler ótkizýge áreket jasaldy. Prokýratýranyń birneshe ret eskertýine qaramastan, jekelegen azamattar tyıym salynǵan ekstremıstik uıymnyń arandatýshylyq shaqyrýlaryna ushyrady. Olardyń keıbireýleri basqa azamattardyń tynyshtyǵy men qaýipsizdigine qaýip tóndire otyryp, Quqyq qorǵaý qyzmetkerlerine qatysty quqyqqa qarsy áreketter jasaı bastady. Osyǵan baılanysty ishki ister organdary qoǵamdyq tártipti buzýdyń jolyn kesý boıynsha zańda kózdelgen sharalardy qabyldaǵany aıtylady. Uıymdastyrýshylar men belsendi qatysýshylar polıııa bólimshelerine jetkizilgen. Jeke tulǵalardan tútin shashkalary men travmat qarýy tárkilengen. "Tártip buzýshylardy ustaý barynsha durys júrgizildi, arnaıy quraldar qoldanylǵan joq", - dep málimdedi IIM ókilderi.
"Adyrna" ulttyq portaly
