باتىس قازاقستان وبلىسى كازتالوۆ اۋدانىندا سۋ تاسقىنىنان زارداپ شەككەن تۇرعىندارعا كومەكتەسۋگە بارعان قۇتقارۋشى پىشاق جاراقاتىن الدى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، وقيعا 31 ناۋرىز كۇنى كەشتە كازتالوۆ اۋدانى جالپاقتال اۋىلىنىڭ ماڭىندا بولعان. ىشىمدىك ىشكەن ادام 26 جاستاعى قۇتقارۋشىعا شابۋىلداعان. كەۋدە تۇسىنان جاراقات العان قۇتقارۋشى اۋرۋحاناعا جەتكىزىلدى.
"جەدەل دەرەكتەر بويىنشا، جەرگىلىكتى تۇرعىندارعا كومەك كورسەتۋ بويىنشا سۋ تاسقىنىنا قارسى ءىس-شارالاردى وتكىزۋ بارىسىندا قاراوزەن وزەنىنىڭ جاعاسىندا 1998 جىلى تۋعان ازاماتتىق قورعاۋ سەرجانتى جارالاندى. ول اۋداندىق اۋرۋحاناعا كەۋدە ايماعىندا ەكى پىشاق جاراقاتىمەن جەتكىزىلدى. ناۋقاس دارىگەرلەردىڭ باقىلاۋىندا. پوليتسيانىڭ مالىمەتىنشە، شابۋىلداۋشى ىشىمدىك ىشكەن كۇيىندە بولعان", - دەپ حابارلادى تجم.
وسى وقيعاعا بايلانىستى سوتقا دەيىنگى تەرگەۋ باستالدى.
