اقتوبە وبلىسى، قوبدا اۋدانى، بايتاق جانە جارىق اۋىلدارى سۋ تاسقىنى سالدارىنان جارىقسىز وتىر. اۋىلدا ءالى ەلەكتر شامى جانعان جوق. سونداي-اق سۋ استىندا قالعان بىرقاتار ۇيلەر بار، دەپ حابارلايدى "ادىرنا" ۇلتتىق پورتالى قازاقپارات-قا سىلتەمە كورسەتە وتىرىپ.
اقتوبە وبلىسى قوبدا اۋدانىندا توتەنشە جاعداي جاريالانىپ، قازىرگى كەزدە شىعىندار ەسەپتىلىپ جاتىر.
جاعدايمەن تانىسىپ، تۇرعىندارمەن كەزدەسكەن قر تجم يۋري يلين جان-جاقتى كومەك كورسەتىلەتىنىنە ۋادە بەردى.
سوڭعى مالىمەتتەرگە سۇيەنسەك، ءالى دە 17 ءۇي سۋ استىندا.
«بارلىعى 3 ءۇي قۇلادى. ءالى كۇنگە دەيىن 17-ءى سۋ استىندا تۇر. تاعى 4 ءۇي ءىشىنارا قۇلاعان. جالپى 79 ۇيگە، 22 ءۇيدىڭ اۋلاعا سۋ كىردى. سۋ كەتپەي، سۋ سورىن اياقتاماي ناقتى اقپارات ايتۋ قيىن. بۇل ۇيلەردە 316 ادام تۇرادى. ونىڭ 107-ءى بالالار. مەكتەپ جاسىنداعى 64 بالا «كۇنشۋاق» لاگەرىندە دەمالادى»، - دەدى قوبدا اۋدانى اكىمىنىڭ ورىنباسارى ارمان قابىلوۆ.
قوبدا اۋىلىنداعى باي تاق جانە جارىق اۋىلدارىندا جارىق جوق. بايتاق اۋىلىندا 23, ال جارىق اۋىلىندا 82 ءۇي بار.
«ءبىز قولدان كەلگەنشە جۇمىستى جەدەلدەتۋگە كۇش سالامىز. بىراق سۋ اعىسى قاتتى. قازىر جەل دە كۇشەيىپ تۇر. جارىق اۋىلىنا جارىق بەرۋ ءۇشىن ارنايى بريگادا كۇندىز-ءتۇنى جۇمىس ىستەپ جاتىر. بۇل جۇمىس ەرتەڭ دە جالعاسادى. بايتاق اۋىلىنا جول جوق. قۇلاعىن باعانالاردى قايتا تۇرعىزۋعا تەحنيكا بارا الماعان سوڭ ديزەلدى گەنەراتور تاۋىپ قويدىق. جارىقتا جارىق 19-ناۋرىز كۇنى ساعات 08:30-دا ءسوندى. ال بايتاقتا ەلەكتر توگى 13-ناۋرىز كۇنى ءۇزىلدى»،- دەدى قوبدا ەلەكترمەن جابدىقتاۋ باسشىسى جۇمامۇرات جۇباتقان.
ەسكە سالساق، قوبدا اۋىلىنا 24 ءۇي سالىنادى. سۋ تاسقىنى زارداپ شەككەن 75 وتباسىنا 500 مىڭ تەڭگەدەن بەرىلگەن.
"ادىرنا" ۇلتتىق پورتالى
