Batys Qazaqstan oblysy Kaztalov aýdanynda sý tasqynynan zardap shekken turǵyndarǵa kómektesýge barǵan qutqarýshy pyshaq jaraqatyn aldy. Bul týraly tótenshe jaǵdaılar mınıstrligi málimdedi, dep habarlaıdy “Adyrna” ulttyq portaly.
Málimet boıynsha, oqıǵa 31 naýryz kúni keshte Kaztalov aýdany Jalpaqtal aýylynyń mańynda bolǵan. Ishimdik ishken adam 26 jastaǵy qutqarýshyǵa shabýyldaǵan. Keýde tusynan jaraqat alǵan qutqarýshy aýrýhanaǵa jetkizildi.
"Jedel derekter boıynsha, jergilikti turǵyndarǵa kómek kórsetý boıynsha sý tasqynyna qarsy is-sharalardy ótkizý barysynda Qaraózen ózeniniń jaǵasynda 1998 jyly týǵan azamattyq qorǵaý serjanty jaralandy. Ol aýdandyq aýrýhanaǵa keýde aımaǵynda eki pyshaq jaraqatymen jetkizildi. Naýqas dárigerlerdiń baqylaýynda. Polıııanyń málimetinshe, shabýyldaýshy ishimdik ishken kúıinde bolǵan", - dep habarlady TJM.
Osy oqıǵaǵa baılanysty sotqa deıingi tergeý bastaldy.
