قۇلسارى قالاسىندا سۋ تاسقىنىنان زارداپ شەككەندەرگە تۇرعىن ۇيلەر سالىنىپ جاتىر، دەپ حابارلايدى "ادىرنا" ۇلتتىق پورتالى.
جىلىوي اۋدانىندا 80 ءۇيدىڭ ىرگەتاسى قۇيىلعان. قازىر 29-ىندا قابىرعالار تۇرعىزىلىپ جاتىر. تاسقىننان زارداپ شەككەن قۇرىلىستى جانداندىرۋ ءۇشىن ءۇي تۇرعىزۋ مەن جوندەۋ جۇمىستارىنا جەرگىلىكتى 7 مەردىگەر تارتىلىپ، 100-دەن استام جۇمىسشى ەڭبەك ەتۋدە.
جەرگىلىكتى بيلىكتىڭ مالىمەتىنشە، قۇرىلىستى 2024 جىلدىڭ قىركۇيەك ايىنا دەيىن اياقتاۋ جوسپارلانىپ وتىر.
قر ونەركاسىپ جانە قۇرىلىس مينيسترلىگىنىڭ احۋالدىق ورتالىعىنىڭ مالىمەتى بويىنشا، اتىراۋ وبلىسىندا 2 674 نىسانعا تەحنيكالىق تەكسەرۋ جۇرگىزىلدى، ونىڭ ناتيجەلەرى بويىنشا 100 ءۇي سالۋ جوسپارلانعان.
1 376 ءۇي ساتىپ الۋ كوزدەلسە، بۇگىندە 1 341 باسپانا ساتىپ الىندى. ال 1 198 ءۇيدى جوندەۋ كوزدەلسە، قازىر 1 174-ىندە جۇمىستار اياقتالدى.
