26 ناۋرىز كۇنى كەشكە اقمولا وبلىسى تسەلينوگراد اۋدانىنداعى قوياندى اۋىلىنىڭ ونداعان تۇرعىنى اۋىل اكىمدىگىنىڭ ماڭىنداعى جولدى جاۋىپ تاستادى، - دەپ حابارلايدى "ادىرنا" ۇلتتىق پورتالى اۋدان اكىمدىگىنىڭ ءباسپاسوز قىزمەتىنە سىلتەمە جاساپ.
جەرگىلىكتى تۇرعىندار سۋ تاسقىنىنا قارسى شارالار ماسەلەلەرىنە نازار اۋدارۋ ءۇشىن جينالدى. كۋاگەرلەر تۇسىرگەن كادرلاردا ادامداردى پوليتسيا مەن سوبر قىزمەتكەرلەرى ۇستاپ تۇرعانىن كورۋگە بولادى.
وقيعا ورنىنا اۋدان اكىمى باقىتبەك وسپانبەكوۆ پەن توتەنشە جاعدايلار باسقارماسىنىڭ باسشىسى قانات دوسپاەۆ كەلدى. شەنەۋنىكتەر جەرگىلىكتى تۇرعىندارمەن سويلەسىپ، ءمان-جايدى انىقتادى. «ساعات 22:00-دە بارلىق جولدار اشىق، تۇرعىندار تاراپ جاتىر»، - دەپ سەندىردى اكىمدىك.
سونداي-اق، اكىمدىك تاس جولداردى جابۋ سياقتى زاڭسىز ارەكەتتەرگە جول بەرۋگە بولمايتىنىن اتاپ ءوتتى: «زاڭدى بۇزعانى ءۇشىن جاۋاپكەرشىلىككە تارتىلۋ بار ەكەنىن ەسكەرتەمىز».
قازىرگى تاڭدا قوياندى اۋىلىندا سۋ تاسقىنىنا قارسى كۇشەيتىلگەن شارالار جۇرگىزىلۋدە. 150 مىڭ تەكشە مەترگە جۋىق قار شىعارىلدى. قاردى شىعارۋعا 10 بىرلىك كولەمىندە ينجەنەرلىك جانە ارنايى تەحنيكالار جۇمىلدىرىلعان. سونداي-اق قوياندى اۋىلىندا 9,5 مىڭ مەتر ارىقتار مەن كانالدار، 46 سۋ وتكىزگىش قۇبىرلار تازارتىلدى. 35 مىڭ تەكشە مەتردەن استام ەرىگەن سۋ سورىلدى.
