اقمولا وبلىسىندا بولعان اۋىر وقيعانىڭ سالدارىنان بىرنەشە ادام قازا تاپتى. 15 جەلتوقسانداعى اقپارات بويىنشا جول اپاتى قوستاناي – اۋليەكول – سۇرعان تاس جولىنىڭ بويىنداعى كوۆىلنوە اۋىلىنىڭ ماڭىندا بولعان، دەپ حابارلايدى «ادىرنا» ۇلتتىق پورتالى.
ۆاز 21145 كولىگىنىڭ 18 جاستاعى جۇرگىزۋشىسى الدىندا كەلە جاتقان Audi كولىگىمەن سوقتىعىسقان. شەتەلدىك كولىك قارسى جولاققا شىعىپ كەتىپ، قارسى جولاقتا كەلە جاتقان Volvo جۇك كولىگىنە سوعىلعان. سالدارىنان ەكى كولىك تە تولىعىمەن جانىپ كەتكەن.
«اۋدي-100 جۇرگىزۋشىسى العان جاراقاتتارىنان وقيعا ورنىندا كوز جۇمدى، ال كولىكتىڭ جولاۋشىلارى (40 جاسار ەر ادام، ايەل، ءۇش ايلىق ءسابي جانە بەسىنشى سىنىپتاعى قىز) جالىنعا ورانىپ، مەرت بولدى»، - دەلىنگەن حابارلامادا.
قازا بولعان جولاۋشىلاردىڭ جەكە باسى مەن وقيعانىڭ ءمان-جايى انىقتالۋدا. اتالعان فاكتى بويىنشا قىلمىستىق كودەكستىڭ 345-بابىنىڭ 4-بولىگى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) بويىنشا سوتقا دەيىنگى تەرگەۋ باستالدى.
«ادىرنا» ۇلتتىق پورتالى
