26 nauryz künı keşke Aqmola oblysy Selinograd audanyndaǧy Qoiandy auylynyŋ ondaǧan tūrǧyny auyl äkımdıgınıŋ maŋyndaǧy joldy jauyp tastady, - dep habarlaidy "Adyrna" ūlttyq portaly audan äkımdıgınıŋ baspasöz qyzmetıne sılteme jasap.
Jergılıktı tūrǧyndar su tasqynyna qarsy şaralar mäselelerıne nazar audaru üşın jinaldy. Kuägerler tüsırgen kadrlarda adamdardy polisiia men SOBR qyzmetkerlerı ūstap tūrǧanyn köruge bolady.
Oqiǧa ornyna audan äkımı Baqytbek Ospanbekov pen Tötenşe jaǧdailar basqarmasynyŋ basşysy Qanat Dospaev keldı. Şeneunıkter jergılıktı tūrǧyndarmen söilesıp, män-jaidy anyqtady. «Saǧat 22:00-de barlyq joldar aşyq, tūrǧyndar tarap jatyr», - dep sendırdı äkımdık.
Sondai-aq, äkımdık tas joldardy jabu siiaqty zaŋsyz äreketterge jol beruge bolmaitynyn atap öttı: «Zaŋdy būzǧany üşın jauapkerşılıkke tartylu bar ekenın eskertemız».
Qazırgı taŋda Qoiandy auylynda su tasqynyna qarsy küşeitılgen şaralar jürgızılude. 150 myŋ tekşe metrge juyq qar şyǧaryldy. Qardy şyǧaruǧa 10 bırlık kölemınde injenerlık jäne arnaiy tehnikalar jūmyldyrylǧan. Sondai-aq Qoiandy auylynda 9,5 myŋ metr aryqtar men kanaldar, 46 su ötkızgış qūbyrlar tazartyldy. 35 myŋ tekşe metrden astam erıgen su soryldy.
https://youtu.be/ThSWgJbIt7E
Ūqsas jaŋalyqtar
