«تازا قازاقستان» اكتسياسى اياسىندا اقمولا وبلىسىندا ەكولوگيالىق ءىس-شارالار جالعاسۋدا. ا.ج. 2 شىلدەسىندە ساعات 10.00-دە جارقايىڭ اۋدانىندا «تازا قازاقستان» جالپى رەسپۋبليكالىق جوباسىن قولداۋ ماقساتىندا ەكولوگيالىق اكتسيا ءوتتى. اكتسياعا جاستار، ەرىكتىلەر، ەڭبەك ۇجىمدارى، بەي-جاي قارامايتىن تۇرعىندار، بارلىعى اۋداننىڭ 3000-عا جۋىق تۇرعىنى قاتىستى.
ءىس – شارانىڭ نەگىزگى ماقساتى «ادال ادام – ادال ەڭبەك - ادال تابىس» تۇجىرىمداماسى نەگىزىندە قالا تۇرعىندارىنىڭ ەكولوگيالىق مادەنيەتىن ارتتىرۋ، تابيعاتقا، قورشاعان ورتاعا ۇقىپتى قاراۋ قۇندىلىقتارىن دارىپتەۋ بولىپ تابىلادى.
بۇگىن بىرىڭعاي ەڭبەك قارقىنىمەن ەلدى مەكەندەردەگى ەسىل وزەنىنىڭ جاعالاۋلارىن تازارتۋ جۇرگىزىلدى: دەرجاۆينسك ق.، پياتيگورسكوە ا.، وترادنوە ا. و.، گاستەللو ا.، ناحيموۆو ا.، قۇمسۋات ا.، تاسسۋات ا.، دالاباي ا.، سونداي-اق تاستى-تالدى جانە ءبىرسۋات اۋىلدارىنداعى بوگەتتەرى تازارتىلدى.
دەرجاۆينسك قالاسىندا اكتسياعا قاتىسۋشىلار 50-گە جۋىق قاپ قوقىس جينادى. تازالاۋعا قالا تۇرعىندارى، جاستار، اۋداندىق ءماسليحات دەپۋتاتتارى، 500-گە جۋىق ادام قامتىلعان ەڭبەك ۇجىمدارى قاتىستى.
«اقمولا وبلىسىنىڭ تۇرعىندارى مەملەكەت باسشىسى قاسىم-جومارت كەمەلۇلى باستاماشىلىق ەتكەن «تازا قازاقستان» جوباسىن بەلسەندى قولدايدى. بۇل جوبا تابيعاتقا، ءوز ۇيىنە ۇقىپتى قاراۋعا باعىتتالعان، - دەيدى ۆولونتەر كيمپيروۆ سايات – وسى ءىس-شارالارعا قاتىسۋ ءبىزدىڭ قوعامعا ەكولوگيانىڭ تازالىعى مەن قامقورلىعىن ساقتاۋعا جانە ناسيحاتتاۋعا، تابيعاتتى قورعاۋعا كومەكتەسەدى. قورشاعان ورتاعا ۇقىپتى قاراۋ وزىنەن باستالۋى كەرەك».
«تازا اۋىل» اكتسياسى پياتيگورسكوە، وترادنوە، گاستەللو اۋىلدارىندا ءوتتى، وندا كوشەلەردى جيناۋ، اباتتاندىرۋ جۇمىستارى جۇرگىزىلدى. اكتسيا سوڭىندا تۇرعىندار قاتىسۋشىلار ءۇشىن اشىق اۋادا بوس ۋاقىت، سپورتتىق ويىندار مەن جارىستار ۇيىمداستىردى. اكتسياعا اۋىل تۇرعىندارى، ەڭبەك ۇجىمدارى، بارلىعى 600-دەن استام ادام قاتىستى.
ۇقساس ءىس-شارالار ناحيموۆو، قۇمسۋات اۋىلدارىندا وتكىزىلدى. اكتسيا قورىتىندىسى بويىنشا قتق پوليگونىنا 30-دان استام قاپ قوقىس شىعارىلعان. اكتسياعا 200-گە جۋىق ادام قاتىستى.
تاستى-تالدى جانە ءبىرسۋات اۋىلدارىندا تۇرعىندار بوگەتتەردە جينالعان قوقىستاردان تازارتتى. اكتسياعا 100-دەن استام ەرىكتىلەر مەن جاس ازاماتتار قاتىستى. اكتسيا قورىتىندىسى بويىنشا 25 قوقىس قاپ جينالدى. اكتسيالاردىڭ نەگىزگى ماقساتى - بوگەتتەر مەن سۋ ايدىندارىنىڭ جاعاسىندا ءتارتىپتى ساقتاۋ، حالىقتىڭ تابيعاتقا ۇقىپتى قاراۋى.
تاسسۋات جانە دالاباي اۋىلدارىندا «تازا اۋلا» دەپ اتالىپ، اۋىلداردى اباتتاندىرۋعا، قوعامدىق دەمالىس ورىندارىن سىرلاۋعا جانە اعاشتاردى اقتاۋعا، سونداي-اق وقۋشىلاردى تارتا وتىرىپ، جالعىز تۇراتىن قارتتارعا كومەك كورسەتۋگە باسا نازار اۋدارىلدى. 30-عا ءۇي ماڭىنداعى اۋلا جينالدى.
جالپى، جوبا باستالعاننان بەرى وبلىس بويىنشا 450 مىڭعا جۋىق ادامنىڭ قاتىسۋىمەن 300-دەن استام ەكولوگيالىق ءىس-شارا وتكىزىلدى. ەلدى مەكەندەردە اۋماقتاردى، ارداگەرلەر اۋلالارى مەن قارتتار ۇيلەرىن، تاريحي-مادەني ەسكەرتكىشتەردىڭ اۋماقتارىن جيناۋ، ارىق جۇيەلەرىن تازارتۋ جۇمىستارى جۇرگىزىلدى. جەرگىلىكتى اتقارۋشى ورگاندار، كوممۋنالدىق قىزمەتتەر مەن ۇيىمدار وكىلدەرىنىڭ، قوعام قايراتكەرلەرىنىڭ، بەلسەندىلەر مەن تۇرعىنداردىڭ بىرلەسكەن كۇش-جىگەرىمەن جالپى پايدالانۋ ورىندارىنان، بالالار الاڭدارىنان، اۋلا اۋماقتارىنان بىلتىرعى جاپىراقتاردى، ارامشوپتەردى، تۇرمىستىق قوقىستاردى جيناۋ جانە شىعارۋ جۇرگىزىلدى. 500-دەن استام ەلدى مەكەن قامتىلدى. 3000-عا جۋىق مەكەمەلەر مەن كاسىپورىندار بەلسەندى قاتىستى. 30 مىڭعا جۋىق ادامنىڭ كۇشىمەن 20 000 توننا قوقىس جينالىپ، شىعارىلدى. 27 وزەندەر، كولدەر، بۇلاقتار مەن كانالدار تازارتىلدى. 1100-دەن استام سۋمەن جابدىقتاۋ نىساندارى اباتتاندىرىلدى.
