«شىمكەنت – استانا» رەيسىنىڭ قونۋى كەزىندە ۇشاق قۇسپەن سوقتىعىستى. بۇل اقپاراتتى Scat اۋە كومپانياسى راستادى، دەپ حابارلايدى “ادىرنا” ۇلتتىق پورتالى.
“قۇستىڭ ۇشاققا سوعىلۋىنا بايلانىستى اۋە كەمەسىنىڭ ءبىر بولشەگىن اۋىستىرۋ قاجەت بولدى. وسىعان بايلانىستى «استانا – شىمكەنت» باعىتى بويىنشا ۇشۋى ءتيىس جولاۋشىلار ءۇشىن ۋاقىتشا كىدىرىس تۋىندادى. كۇتۋ كەزەڭىندە جولاۋشىلارعا قوناقۇيدەن ورنالاستىرۋ ۇسىنىلىپ، تەرمينالدا تاماقتانۋ ۇيىمداستىرىلدى. اۋە كومپانياسى قۇستاردىڭ قوزعالىسىن باقىلاۋعا الا المايدى. مۇنداي جاعدايلارعا بايلانىستى رەيستەر كەستەسىنىڭ وزگەرۋىن تۇسىنىستىكپەن قابىلداۋلارىڭىزدى سۇرايمىز، دەيدى كومپانيا وكىلدەرى.
ەسكە سالايىق، بۇعان دەيىن مۇنداي جاعداي 14 ناۋرىزدا بولعان ەدى. «فۋكۋوك-استانا» رەيسى شىمكەنت قالاسىندا قاتتى قارسى جەلگە بايلانىستى جانارماي قۇيۋ ءۇشىن قونعان، ارتىنشا ۇشاققا قۇس سوعىلعانى انىقتالدى.
ۇقساس جاڭالىقتار
