Búgin, 18 naýryz Astana qalasy Baıqońyr aýdanynda angar úlgisindegi jeke turǵan bir qabatty qoıma órtendi. Bul týraly TJD málimdedi, dep habarlaıdy “Adyrna” ulttyq portaly.
Málimet boıynsha, saǵat 07:20-da órt sóndirýshiler Baıqońyr aýdanynda bolǵan órt ornyna shyqqan. Bólimshe qyzmetkerleri barǵan ýaqytta aldyn ala boljam boıynsha aýdany 1 myń sharshy metr alańda otqa oranǵan bir qabatty qoımanyń janyp jatqany anyqtaldy.
Órt kezinde ǵımarattyń aldyńǵy qabyrǵasy men shatyry qulady. Oqıǵa ornynda 3 jaýyngerlik ýchaske quryldy.
Órt sóndirý jumystaryna jeke quramnan 70-ke jýyq adam, 15 tehnıka jumyldyryldy.
