قازاقستاندا اتوم ەلەكتر ستانتسياسى بويىنشا رەفەرەندۋم وتكىزۋدىڭ بولجامدى كۇندەرى اتالدى، دەپ حابارلايدى "ادىرنا" ءتىلشىسى قازتاگ-قا سىلتەپ.
اتوم ەلەكتر ستانتسياسىنا قاتىستى رەفەرەندۋم 2024 جىلدىڭ جازىنىڭ اياعىندا نەمەسە كۇزدە ءوتۋى مۇمكىن.
19 مامىر كۇنى ەكونوميست اسەت ناۋرىزباەۆ اتوم ەلەكتر ستانتسيالارىن قولداۋشىلار بولاشاقتا ەنەرگيا ءۇشىن 30 تەڭگە ەمەس، ساعاتىنا 70 تەڭگە تولەۋدى ۇسىنعان بولاتىن.
ساراپشى اەس بويىنشا پرەزيدەنت ۋادە ەتكەن رەفەرەندۋمدى اشىق داۋىس بەرۋ ارقىلى وتكىزۋ قاجەت دەپ ەسەپتەيدى. سەبەبى اتوم ەلەكتر ستانساسىن سالۋ جونىندەگى رەفەرەندۋم - بولاشاق ۇرپاق الدىنداعى جاۋاپكەرشىلىك.
بىلتىر 6 قىركۇيەك كۇنى ورتالىق سايلاۋ كوميسسياسى اتوم ەلەكتر ستانتسياسىنا قاتىستى رەفەرەندۋمدى 2023 جىلدىڭ وزىندە-اق وتكىزۋگە دايىن ەكەنىن مالىمدەگەن بولاتىن.
5 قازاندا ەنەرگەتيكا مينيسترلىگى قازاقستاننىڭ «روساتوم» جانە تاعى ءۇش كومپانيامەن اتوم ەلەكتر ستانتسياسىنا قاتىستى تەرەڭ كەلىسسوزدەر جۇرگىزىپ جاتقانىن حابارلادى. بىراق 27 قازاندا قازاقستان مەردىگەرلەردىڭ وتىنىمدەرىن قاراۋدى توقتاتتى.
