Qazaqstanda atom elektr stanııasy boıynsha referendým ótkizýdiń boljamdy kúnderi ataldy, dep habarlaıdy "Adyrna" tilshisi QazTAG-qa siltep.
Atom elektr stanııasyna qatysty referendým 2024 jyldyń jazynyń aıaǵynda nemese kúzde ótýi múmkin.
19 mamyr kúni ekonomıst Áset Naýryzbaev atom elektr stanııalaryn qoldaýshylar bolashaqta energııa úshin 30 teńge emes, saǵatyna 70 teńge tóleýdi usynǵan bolatyn.
Sarapshy AES boıynsha Prezıdent ýáde etken referendýmdy ashyq daýys berý arqyly ótkizý qajet dep esepteıdi. Sebebi atom elektr stansasyn salý jónindegi referendým - bolashaq urpaq aldyndaǵy jaýapkershilik.
Byltyr 6 qyrkúıek kúni Ortalyq saılaý komıssııasy atom elektr stanııasyna qatysty referendýmdy 2023 jyldyń ózinde-aq ótkizýge daıyn ekenin málimdegen bolatyn.
5 qazanda Energetıka mınıstrligi Qazaqstannyń «Rosatom» jáne taǵy úsh kompanııamen atom elektr stanııasyna qatysty tereń kelissózder júrgizip jatqanyn habarlady. Biraq 27 qazanda Qazaqstan merdigerlerdiń ótinimderin qaraýdy toqtatty.
