4 ماۋسىم استانادا «Sustainable TrendsForum Kazakhstan» (قازاقستاندىق تۇراقتى ترەندتەر فورۋمى) ءوتتى. وندا كومپانيا ساياساتى مەن مەملەكەتتىك باسقارۋعا ESG قاعيداتتارىن ەنگىزۋ تاقىرىبى تالقىلاندى.
فورۋم تۇراقتى دامۋدىڭ ماڭىزدى جانە وزەكتى تاقىرىبى بويىنشا ديالوگ پەن پىكىر الماسۋ ءۇشىن جەتەكشى قازاقستاندىق ساراپشىلاردى، كاسىپكەرلەردى، ۇكىمەت وكىلدەرى مەن قوعامدىق ۇيىمداردى جينادى.
پانەلدىك سەسسيانىڭ اشىلۋ سپيكەرى «اتامەكەن» ۇكپ تورالقا توراعاسى رايىمبەك باتالوۆ بولدى. ول ءوز ءسوزىن قورشاعان ورتانى قورعاۋعا قاتىسۋشىلاردى كەلە جاتقان كاسىبي مەرەكەلەرىمەن قۇتتىقتاۋدان باستادى (5 ماۋسىم).
«الەمدىك ەكونوميكا تۇراقتى دامۋعا بەت بۇرۋدا. قازاقستان وسى ۇدەرىستەرمەن تىعىز بايلانىستى جانە قالىپتاسقان ۇردىستەردى ۇستانىپ كەلەدى.
ءبىز تۇراقتى دامۋ ماقساتتارىنا قول جەتكىزۋ جانە ءتيىستى تەحنولوگيالاردى ەنگىزۋ ماسەلەلەرى كليماتتىق كۇن تارتىبىنەن الدەقاشان اسىپ كەتكەنىن تۇسىنەمىز. قازىردىڭ وزىندە ولار ينۆەستيتسيا جانە حالىقارالىق ساۋدا، مەملەكەتتەردىڭ، قالالاردىڭ ەكونوميكالارىنىڭ قۇرىلىمىن كەشەندى قايتا قۇرۋ جانە وڭىرلىك دامۋ ماسەلەلەرىمەن تىعىز بايلانىستى»، - دەدى رايىمبەك باتالوۆ.
پالاتا توراعاسى بۇل ماسەلەلەردى شەشۋ ءۇشىن مەملەكەت پەن بيزنەس كۇش بىرىكتىرۋى كەرەك ەكەنىنە سەنىم ءبىلدىردى.
ايتا كەتەيىك، «اتامەكەن» ۇكپ بازاسىندا وتكەن جىلدىڭ كۇزىنەن بەرى تۇراقتى دامۋ جانە ESG كەڭەسى جۇمىس ىستەيدى. يۋليا ياكۋپباەۆا توراعالىق ەتەتىن 70-تەن استام نەگىزگى ەكونوميكالىق ساراپشىلاردان تۇراتىن كەڭەس تۇراقتى قارجىلاندىرۋ، مەملەكەتتىك قولداۋ، اينالمالى ەكونوميكا ماسەلەلەرىمەن جۇمىس ىستەۋدە.
ءوز سوزىندە رايىمبەك باتالوۆ كەڭەستى پارلامەنتپەن جانە ۇكىمەتپەن بىرلەسە جۇمىس ىستەيتىن (بىرىكتىرىلگەن) ورگان ەتۋدى ۇسىندى.
«تۇراقتى دامۋ تەك قانا ءىرى بيزنەستىڭ ماسەلەسى ەمەس، بۇل بارلىعىنا اسەر ەتەتىن ۇلتتىق باسىمدىق»، - دەپ ايتتى سپيكەر.
«ءبىز كليماتتىق كۇن تارتىبىندەگى جانە ساۋدا سەرىكتەستەرىمىزدىڭ تۇراقتى مەنەدجمەنتى بويىنشا نەگىزگى وزگەرىستەردىڭ قارساڭىندا تۇرمىز. ءبىز ۇرپاق تەورياسىنىڭ تۇتىنۋدان رەسۋرستاردى ۇنەمدەۋگە باعىتتالعانىن كورىپ وتىرمىز. ءبىز قازاقستاندا جاۋاپتى بيزنەس توبىنىڭ قالىپتاسىپ جاتقانىنا قۋانىشتىمىز، سونداي-اق تابىستى ىستەردى اتاپ وتۋگە جانە قايتالاۋعا، جەلى قۇرۋعا جانە ەكونوميكانىڭ جاڭا سەكتورلارىنىڭ قالىپتاسۋىنا ىقپال ەتۋگە دايىنبىز. بۇل ۇدەرىستەردە «اتامەكەن» ۇكپ جانىنداعى تۇراقتى دامۋ جونىندەگى كەڭەس جانە ESG ماڭىزدى ءرول اتقارادى»، - دەدى كەڭەس توراعاسى يۋليا ياكۋپباەۆا.
سونىمەن قاتار، فورۋم اياسىندا «اتامەكەن» ۇكپ توراعاسى قازاقستاندا قازىردىڭ وزىندە ESG باعىتىنا ينۆەستيتسيا سالىپ، وسى ينۆەستيتسيالاردى قايتارا العان جەكە كاسىپورىندار بار ەكەنىن جەتكىزدى.
«مودەل نەگiزiنەن بيرجالىق تاۋارعا ۇقساس. ۇلتتىق پالاتا بارلىق قازاقستاندىق جانە حالىقارالىق بيزنەس وكىلدەرىنە ەكونوميكامىزعا، وڭىرلەرىمىزگە جانە قورشاعان ورتاعا ينۆەستيتسيا سالۋعا مۇمكىندىكتەر اشادى. بۇل وتە ماڭىزدى ماسەلە», - دەدى رايىمبەك باتالوۆ.
جالپى، فورۋمعا قاتىسۋشىلار ەنەرگەتيكالىق قاۋىپسىزدىكتىڭ وزەكتىلىگى، كورپوراتيۆتىك جاۋاپكەرشىلىكتىڭ ارتۋى جانە ەكولوگيالىق ماسەلەلەرگە نازاردىڭ ارتۋى اياسىندا ESG-گە قاتىستى ماسەلەلەر بۇدان بىلاي نازاردان تىس قالمايدى دەگەن پىكىر ءبىلدىردى.
سوندىقتان دا بارلىق دەڭگەيدەگى كاسىپورىندار مەن مەملەكەتتىك ورگانداردىڭ ۋاقىتىن ءتيىمدى پايدالانىپ، مودەل مەن ونىڭ ارتىقشىلىقتارى تۋرالى حاباردارلىعىن ارتتىرۋ ماڭىزدى. ونىڭ ۇستىنە، جاقىن بولاشاقتا مودەل تەك سىناق نەمەسە ترەند ەمەس، سونىمەن بىرگە ماڭىزدى رەتتەۋشى قۇرالبولۋى مۇمكىن. بۇل ۇدەرىستە «اتامەكەن» ۇكپ جانىنداعى تۇراقتى دامۋ جانە ESG جونىندەگى كەڭەس ماڭىزدى ءرول اتقارا الادى.
