بۇگىن - جازۋشى، قازاق كۇرەسى وداعىنىڭ تۇڭعىش جەتەكشىسى قالداربەك نايمانباەۆتىڭ تۋعان كۇنى، دەپ حابارلايدى "ادىرنا" ءتىلشىسى.
جازۋشى كوزى ءتىرى بولعاندا بۇگىن 85 جاسقا تولار ەدى.
قالداربەك نايمانباەۆ 1939 جىلى 16 ناۋرىزدا وڭتۇستىك قازاقستان وبلىسى، ماقتاارال اۋدانى، اسىقاتا اۋىلىندا دۇنيەگە كەلگەن. 1961 جىلى قازاق مەملەكەتتىك ۋنيۆەرسيتەتىنىڭ جۋرناليستيكا ءبولىمىن بىتىرگەن جازۋشى ەڭبەك جولىن ستۋدەنتتىك شاعىنان باستاعان.
ەڭبەك جولىن ۋنيۆەرسيتەتتە وقىپ ءجۇرىپ سول كەزدەگى "لەنينشىل جاس", قازىرگى «جاس الاش» گازەتىنىڭ رەداكتسياسىندا قاراپايىم ادەبي قىزمەتكەردەن باستاپ، باس رەداكتوردىڭ ورىنباسارىنا دەيىن كوتەرىلگەن.
بىرنەشە باسىلىمداردىڭ باس رەداكتورى بولىپ قىزمەت ەتىپ، رەسپۋبليكالىق اۆتورلار قۇقىعىن قورعاۋ اگەنتتىگىنىڭ ديرەكتورى بولىپ ەڭبەك ەتتى.
ال 1990–1993 جج. قازاقستان رەسپۋبليكاسى جوعارى كەڭەسىنىڭ دەپۋتاتى بولدى.
جازۋشى 65 جىل عۇمىرىندا وشپەس ءىز قالدىرعان. ونىڭ قالامىنان «داڭق تۇعىرىندا»، «قوشتاسقىم كەلمەيدى، «باستاۋ»، «سول ءبىر ءتۇن»، «ءۇمىت وتكەلى»، «بەيمازا قوناق»، «اپتاپ»، «نوچنايا دوروگا»، «شىلدە» پوۆەستەر مەن اڭگىمەلەر جيناقتارى، «ەرلى-زايىپتى ەكەۋى جانە باسقالارى»، «ءبىز سەنى كۇتەمىز، گۇلزات»، «دومالاق ارىز»، «كوكتوبە»، «وت پەن ويىن» روماندارى تۋعان.
2004 جىلدىڭ 22 قىركۇيەگىندە جازۋشى الماتى قالاسىندا ومىردەن ءوتتى.
