قازاقستاننىڭ حالىق جازۋشىسى مۇحتار ماعاۋين 2022 جىلعى مەملەكەتتىك سىيلىقتىڭ ىرىكتەۋىنە قاتىستى پرەزيدەنتكە حات جولدادى، دەپ حابارلايدى “ادىرنا” ۇلتتىق پورتالى.
حاتتا جازۋشى ۇزدىك قالامگەر تۇرىسبەك ساۋكەتاي ەڭ سوڭعى ىرىكتەن وتپەي قالعاندىعىن، مۇنىڭ قازاق قوعامىنىڭ كوكەيكەستى ماسەلەلەرىن كوتەرگەن سوقتالى روماننىڭ مەملەكەتتىك سىيلىققا جەتپەي قالۋى – وقىرمان قاۋىم ءۇشىن ۇلكەن وكىنىش ەكەندىگىن اتاپ وتكەن.
«ايتپاعىم – قازاق رۋحى، قازاق مادەنيەتىنە قاتىستى از عانا ءبىر ءۋاج. 2022 جىلعى مەملەكەتتىك سىيلىق تالقىسى تۋرالى سوڭعى حاباردان ەستۋىمشە، بۇگىنگى قازاقتىڭ اتپال جازۋشىسى، ءتىپتى ەكىنىڭ ءبىرى، ۇزدىك قالامگەر تۇرىسبەك ساۋكەتاي ەڭ سوڭعى ىرىكتەن وتپەي قالىپتى. اباي اتىنداعى ماراپاتقا بىردەن ءبىر لايىقتى – وسى «جەلقايىق» رومانى ەدى. تۇرىسبەك – بۇگىن عانا جەتكەن پروزاشى ەمەس، وتكەن ون جىلدىقتاعى «اي قاراڭعىسى» جانە كەز كەلگەن باسقا دا رومانى وسى مارتەبەگى تاتيتىن. بۇگىنگى بايگەگە «جەلقايىق» تۇسكەن ەكەن. ايتارى جوق، وسى جاڭا عاسىردا دۇنيەگە كەلگەن ەڭ وزىق تۋىندىلاردىڭ ءبىرى. مۇنداي، بيىك كوركەمدىك دەڭگەيدە جازىلعان، بۇگىنگى قازاق قوعامىنىڭ كوكەيكەستى ماسەلەلەرىن كوتەرگەن سوقتالى روماننىڭ مەملەكەتتىك سىيلىققا جەتپەي قالۋى – كوڭىلىندە الالىق جوق زيالى قاۋىم ءۇشىن، كوزى قاراقتى، ۇلت مۇددەسىن ويلايتىن وقىرمان قاۋىم ءۇشىن ۇلكەن وكىنىش بولار ەدى.
تۇرىسبەك ساۋكەتايدى لايىقتى سىيلىعىنا جەتكىزۋ ەندىگى ءسىزدىڭ قولدا تۇر دەپ بىلەمىن...»، – دەلىنگەن پرەزيدەنت توقاەۆقا جولداعان حاتىندا.
