“ولگەن ادامنىڭ پەرسوناجى رەتىندە”: جازۋشى تاسىبەكوۆتىڭ سۋرەتىن وتاندىق سەريال رۇقساتسىز پايدالانعان

3243
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

قازاقستاندىق تانىمال جازۋشى ءارى ءتىل مامانى قانات تاسىبەكوۆتىڭ سۋرەتى "قازاقستان" ۇلتتىق ارناسىندا وتاندىق تەلەسەريالدا ولگەن ادامنىڭ پەرسوناجى رەتىندە رۇقساتسىز كورسەتىلگەن.بۇل تۋرالى تاسىبەكوۆ Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.

جازۋشىعا بۇل تۋرالى استانادا تۇراتىن تانىسى حابارلاپتى. ال وتاندىق فيلمدەگى ولگەن ادامنىڭ پەرسوناجىنىڭ ورنىندا ءوزىنىڭ سۋرەتىن كورگەندە وتباسى مۇشەلەرى دە وتە قاتتى رەنجەگەن.

تاسىبەكوۆ تەلەارناعا حات تا جازعان. ول وزىنەن كەشىرىم سۇراۋدى، فيلمدەگى بەينەنى جويۋدى جانە وزىنە ءمورالدى وتەماقى تولەۋدى تالاپ ەتكەن. الايدا تەلەارنادان ەشكىم قارسى جاۋاپ بەرمەگەن.

جازۋشى كەيىن وزىنە ءبىر ايەلدىڭ حابارلاسىپ، ءوزىن تەلەسەريالدىڭ پروديۋسەرى دەپ تانىستىرعانىن ايتقان. الايدا ەكەۋىنىڭ اڭگىمەسى ۇزاققا بارماي، تۇتقانى قويا سالعان.

بۇل ماسەلەگە اقپارات جانە قوعامدىق دامۋ ءمينيسترى دارحان قىدىرالى جاۋاپ بەرگەن. 

ء"تيىستى تاپسىرما بەرىلدى، ءمان-جايدى انىقتاپ، سىزگە حابارلاسادى. ايىپ ەتپەڭىز", - دەپ جازعان مينيستر.

كەيىننەن جازبا استىنا "قازاقستان" ۇلتتىق تەلەارناسىنىڭ باسقارما ءتورايىمىنىڭ ورىنباسارى يلحام يبراگيم پىكىر ءبىلدىردى. ول سەريالدى 2017 جىلى، كورپوراتسيانىڭ تاپسىرىسىمەن RecMedia كومپانياسى تۇسىرگەنىن جەتكىزگەن. ايتۋىنشا، فيلمگە جاننا ابىشەۆا پروديۋسەرلىك ەتكەن.

"وكىنىشكە قاراي بۇل شىعارماشىلىق توپتىڭ دا، كورپوراتسيا تاراپىنان قابىلداپ العان ماماننىڭ دا سالعىرتتىعى. ءدال وسى سەريالدى قابىلداعان مامان انىقتالىپ، جاۋاپقا تارتىلادى جانە قانات مىرزانىڭ وزىنە قوسىمشا حابارلانادى. كەتكەن ولقىلىق ءۇشىن كانات تاسيبەكوۆ مىرزادان دا، كورەرمەندەرىمىزدەن دە كەشىرىم سۇرايمىز", - دەگەن تەلەارنا وكىلى.

پىكىرلەر