استانادا جاساندى ينتەللەكت بويىنشا IOAI 2026 حالىقارالىق وليمپياداسى اياقتالدى. قازاقستان قۇراماسىنىڭ سەگىز مۇشەسى دە ەكى التىن، ەكى كۇمىس جانە ءتورت قولا مەدال الىپ، جۇلدەگە يە بولدى.
وليمپياداداعى ۇزدىك ناتيجەلەردىڭ ءبىرىن قازاقستاندىق داۋجان بەكەتوۆ كورسەتتى. ول IOAI 2026 ابسوليۋتتىك رەيتينگىندە ەكىنشى ورىن الدى.
ورتادا: وليمپيادانىڭ 500 قاتىسۋشىسى اراسىندا ەكىنشى ورىن العان داۋجان بەكەتوۆ
وليمپيادا استانادا 2-8 تامىز ارالىعىندا ءوتىپ, الەمنىڭتۇكپىر-تۇكپىرىنەن جاساندى ينتەللەكت سالاسىنداعى ەڭ مىقتى جاس مامانداردى جينادى. IOAI 2026 باس سەرىكتەسى Kaspi.kz بولدى.
Kaspi.kz قازاقستاندا جاساندى ينتەللەكتءتى بەلسەندى دامىتىپ كەلەدى. بيىل كومپانيا تولىعىمەن قازاقستاندىق كوماندا ازىرلەگەن Kasper جەكە AI-كومەكشىسىن تانىستىردى.
مۇنداي تەحنولوگيالار قازاقستاندا الداعى ۋاقىتتا دا جاسالۋى ءۇشىن ەلگە تالانتتى باعدارلاماشىلار, ينجەنەرلەرمەن زەرتتەۋشىلەر قاجەت. سوندىقتان Kaspi.kz جاس IT-مامانداردى, سپورتتىق باعدارلامالاۋ, جاساندى ينتەللەكت جانە كيبەرقاۋىپسىزدىك بويىنشا جارىستاردى قولدايدى, قازاقستاننىڭ سپورتتىق باعدارلامالاۋ فەدەراتسياسىمەن ىنتىماقتاستىق ورناتىپ, ۇلتتىق قۇرامانى حالىقارالىق جارىستارعا دايىنداۋعا كومەكتەسەدى.
ميحايل لومتادزە, Kaspi.kz باسشىسى ءارى نەگىزىن قالاۋشىلاردىڭ ءبىرى:
«تەحنولوگيا جاساعاندا, ەڭ الدىمەن وزىڭە: «مەن قانداي كەرەمەت تەحنولوگيا جاسادىم?» دەگەن ەمەس, «بۇل تەحنولوگيا باسقا ادامداردىڭ ءومىرىن قالاي وزگەرتەدى?» دەگەن سۇراق قويۋ كەرەك. تەحنولوگيانى تەحنولوگيا ءۇشىن ەمەس, ادامدار ءۇشىن جاساۋ قاجەت.
سونىمەن قاتار ادامنىڭ قۇندىلىقتارى دا اسا ماڭىزدى— جاقسى مەن جاماندى اجىراتا ءبىلۋ جانە تەحنولوگيانى باسقا ادامداردىڭ ءومىرىن جاقسارتۋ ءۇشىن پايدالانۋ كەرەك.
ەلدىڭ بولاشاعى جاس ءارى تالانتتى بالالاردىڭ جەتىستىگىنە بايلانىستى. ءبىز ۇنەمى ءبىلىم الىپ, دامىپ, وزگەلەرگە ۇلگى بولىپ, الەمنىڭ تۇكپىر-تۇكپىرىندەگى ءوزى سياقتى تالانتتى جاستارمەن تانىسىپ جۇرگەن بالالاردى قولداعىمىز كەلەدى. بولاشاق دەگەنىمىز وسى».
حالىقارالىق وليمپيادالارداعى جەتىستىكتىڭ ارتىندا قاتىسۋشىلاردىڭ تالانتى مەن وراسان ەڭبەگى عانا ەمەس, بىرنەشە ايعا سوزىلعان دايىندىق, جاتتىقتىرۋشىلاردىڭ جۇمىسى, وقۋ-جاتتىعۋ جيىندارى جانە حالىقارالىق جارىستارعا قاتىسۋ تاجىريبەسى تۇر.
ۇلىقبەك وسمانوۆ پەن جانىبەك قاسىمحان, IOAI 2026 قولا ءجۇلدەگەرلەرى
باعدات مۋسين, قازاقستاننىڭ سپورتتىق باعدارلامالاۋ فەدەراتسياسىنىڭ پرەزيدەنتى:
«بۇگىندە Kaspi سياقتى تەحنولوگيالىق الپاۋىتتار تەك وزدەرى تۋرالى عانا ويلامايدى. كومپانيا ۇلكەن فينتەح ءجانە e-commerce پلاتفورماسىن قۇردى, ەندى بۇكىل نارىقتى, تۇتاس يندۋستريانى دامىتۋ قاجەت. سوندىقتان بيزنەستىڭ مۇنداي ءىس-شارالارعا قاتىسۋى جانە قولداۋ كورسەتۋى — قوعام الدىنداعى جاۋاپكەرشىلىك. سونىڭ ارقاسىندا يندۋستريا دامىپ, جاڭا ستارتاپتار مەن جاڭا يدەيالار پايدا بولادى. بۇل تەك قازاقستاندا ەمەس, بۇكىل الەمدە جۇزەگە اسادى, وعان قازاقستاندىق وقۋشىلار مەن جاستار دا ءوز ۇلەسىن قوسىپ كەلەدى».
IOAI 2026 تەك جارىس قانا ەمەس, ءتۇرلى ەلدەردەن كەلگەنتالانتتى وقۋشىلار, عالىمدار, ازىرلەۋشىلەر مەن ساراپشىلاردىڭ باسىن قوسقان الاڭعا اينالدى. قاتىسۋشىلار جاڭا زەرتتەۋلەردى تالقىلاپ, ءبىلىم جانە يدەيالارىمەن ءبولىستى, كاسىبي بايلانىستار ورناتتى. جاس قاتىسۋشىلار ءۇشىن بۇل تەحنولوگيا مەن ونىڭ بولاشاعىناە قىزىعۋشىلىق تانىتاتىن حالىقارالىق قاۋىمداستىقتىڭ ءبىر بولىگى بولۋعا مۇمكىندىك.
ءانۋار ايمولدين, IOAI حالىقارالىق عىلىمي كوميتەتىنىڭ مۇشەسى:
«مەنىڭ ويىمشا, ەرتەڭگى كۇندى ويلايتىن كومپانيالاروسىنداي ءىس-شارالارعا قاتىسادى. ويتكەنى ولار زەرتتەۋلەرگە بارىنشا جاقىن. بىرىنشىدەن, بۇل — الەمنىڭەڭ مىقتى تالانتتارىنىڭ نازارىنا ىلىگۋ مۇمكىندىگى. ەكىنشىدەن, جاھاندىق جاساندى ينتەللەكت سالاسىنىڭ دامۋىنا ءوز ۇلەسىن قوسۋعا جول اشادى».
وسىنداي اۋقىمداعى حالىقارالىق وليمپيادانى قازاقستان وتە قىسقا مەرزىم ىشىندە وتكىزە الدى. دايىندىققا نەبارى ءتورت اي ۋاقىت كەتكەن.
ەلەنا مارينينا, IOAI حالىقارالىق كەڭەسىنىڭ نەگىزىن قالاۋشىلاردىڭ ءبىرى ءارى توراعاسى:
«وليمپيادانى قازاقستاندا وتكىزۋ تۋرالى شەشىم قابىلدانعان ساتتەن باستاپ جەرگىلىكتى كومپانيالار بىردەن قولداۋ كورسەتە باستادى. رەاكتسيا وتە جىلدام بولدى. قازاقستان بۇل وليمپيادانى نەبارى ءتورت ايدىڭىشىندە ۇيىمداستىرا الدى. بۇل شىنىمەن تاڭعالارلىق ناتيجە».
قازاقستاننىڭ سپورتتىق باعدارلامالاۋ فەدەراتسياسى سەرىكتەستەرىمەن بىرگە ۇلتتىق قۇراما مۇشەلەرىن ىنتالاندىرۋ تۋرالى شەشىم قابىلدادى. باس سەرىكتەس Kaspi.kz جانە بريلليانت دەمەۋشى Freedom Holding Corp. قولداۋىمەن جۇلدەگەرلەرگە مىناداي سىياقىلار بەرىلەدى:
ۇلتتىق قۇرامانىڭ تالىمگەرلەرى جۇلدەگەرلەردى دايىنداعانى ءۇشىن 2 ملن تەڭگەدەن الادى.
IOAI 2026 اياقتالدى, الايدا قازاقستاندىق باعدارلاماشىلاردىڭ, زەرتتەۋشىلەردىڭ جانە جاساندى ينتەللەكت سالاسى ماماندارىنىڭ جاڭا بۋىنىن دايارلاۋ جالعاسادى.
بۇگىنگى وليمپيادا قاتىسۋشىلارى ەرتەڭ جاڭا تەحنولوگيالار مەن ونىمدەردى جاسايدى. قازاقستان قۇراماسىنىڭ IOAI 2026 وليمپياداسىنداعى سەگىز مەدالى ەلىمىزدە الەمنىڭ ەڭ مىقتىلارىمەن باسەكەگە تۇسە الاتىن جاس مامانداردىڭ بار ەكەنىن كورسەتتى. Kaspi.kz ءۇشىن قازاقستاندا تەحنولوگيالار جاساۋ جانە ەلدىڭ تەحنولوگيالىق دامۋىن العا باستايتىن تالانتتاردىڭ جاڭا بۋىنىن قالىپتاستىرۋعا ۇلەس قوسۋ ماڭىزدى.
